BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا جاڭا كوپىرلەر مەن جول ايرىقتارى پايدا بولادى

استانا، baq.kz. قالا اكىمدىگى ەلورداداعى جول جەلىلەرىن دامىتۋ جانە جول-كولىك ينفراقۇرىلىمىن قولداۋ مەن وتكىزۋ قابىلەتىنىڭ ارتۋى بويىنشا تۇراقتى نەگىزدە جۇمىس جۇرگىزۋدە. بۇل تۋرالى استانا اكىمدىگىنىڭ رەسمي سايتى حابارلادى.

استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنىڭ اقپاراتىنشا، استانا قالاسىنىڭ باس جوسپارىنا سايكەس كولىكتىك جۇكتەمەنى تومەندەتۋ ماقساتىندا شاعىن اينالما جول سالىنىپ جاتىر (ارى قاراي - شاج). ول جول ر.قوشقاربايەۆ، ۇلى دالا داڭعىلدارى مەن اقجول، ش.بەيسەكوۆا كوشەلەرىمەن وتەدى.

جولدىڭ جالپى ۇزىندىعى – 46 شاقىرىم. ال 2007 جىلدان 2017 جىلعا دەيىن 22،8 كم جول سالىنعان. وسى جىلى ش.ايتماتوۆ (ش.بەيسەكوۆا كوش) پەن تۇران داڭعىلىن جالعايتىن ق. مۇقامەتجانوۆ كوشەسى اشىلدى (بۇرىنعى سارايشىق كوش.). قازىرگى تاڭدا اباتتاندىرۋ جۇمىستارى جۇرگىزىلۋدە.

جاڭا جول قاراما-قايشى باعىتتا 4 جولاقتان تۇرادى، جالپى العاندا 8 جول جولاعى بار. بۇل كوشە قۇرىلىسى قالاداعى كولىك اعىنىنىڭ جەڭىلدەۋىنە سەپ بولىپ، قاتارلاس جاتقان سىعاناق كوشەسى مەن قورعالجىن تاسجولىنىڭ كولىكتىك جۇكتەمەسىنىڭ تومەندەۋىنە مۇمكىندىك بەردى.

قازىرگى كەزدە سىعاناق كوشەسىنەن باستالىپ ۇلى دالا داڭعىلىنا جەتەتىن ش.بەيسەكوۆا كوشەسىنىڭ جانە ەسىل وزەنى مەن «ەسىل-نۇرا» كانالى ارقىلى وتەتىن ەكى كوپىر قۇرلىسى مەن ۇلى دالا داڭعىلىنىڭ جالعاسى (№27 كوش.) № 39 كوشەدەن (جوبا اتاۋى) ش.قالداياقوۆ كوشەسىن جالعايتىن جول قۇرىلىسى جۇرۋدە. جول قۇرىلىسىنىڭ تولىق اياقتالۋى 2019 جىلعا جوسپارلانعان.

ۇلى دالا داڭعىلىنىڭ قۇرىلىسى كوپىر قۇرىلىسى جىل بويى، ۇزدىكسىز ەسىل وزەنى جانە «نۇرا-ەسىل» كانالى ارقىلى كولىك قۇرالدارى مەن جاياۋ جۇرگىنشىلەر قوزعالىسىن ٴقاۋىپسىز جانە ٴتيىمدى ەتەدى. ەسىل وزەنى ارقىلى وتەتىن كوپىر «نۇرا -ەسىل» ارقىلى وتەتىن كوپىر ابىلاي حان داڭعىلى مەن ر.قوشقاربايەۆ داڭعىلى قيىلىسىنداعى 7 جول جولاعىمەن جول ايىرىعىنىڭ قۇرىلىسى ٴجۇرىپ جاتىر. قۇرىلىستىڭ تولىق اياقتالۋى 2019 جىلعا جوسپارلانعان.

ابىلاي حان د-لى مەن ر. قوشقاربايەۆ د-لى قيىلىسىنداعى جول ايرىعى وسى جىلى ش.بەيسەكوۆا كوشەسى مەن تۇران داڭعىلىن جالعايتىن ۇلى دالا داڭعىلىنىڭ قۇرىلىسى باستالدى. باسقارما ن.تىلەنديەۆ – ش.بەيسەكوۆا كوشەلەرى قيىلىسىندا اينالما كولىك جولى قۇرىلىسىنىڭ جوباسىن جاساعان.

اينالما جول سالۋ شەكاراسىنا سول اۋدانداعى جەر تەلىمدەرى كىرىپ وتىر، ولاردى ساتىپ الۋ اقىرىنداپ جۇزەگە اسۋدا. جول قۇرىلىسىنىڭ اياقتالۋ مەرزىمى جەكە سەكتور يەلەرىنە تيەسىلى جەر تەلىمدەرىن ساتىپ الۋعا بايلانىستى. ن.تىلەنديەۆ-ش.بەيسەكوۆا كوشەلەرىندەگى اينالما جول قۇرىلىسى جالپى ۇزىندىعى سەگىز شاقىرىمدى قۇرايتىن ن.تىلەنديەۆ داڭعىلىنان باستاپ اقجول كوشەسىنە دەيىنگى ش.بەيسەكوۆا كوشەسىن، ش.بەيسەكوۆا كوشەسىنەن باستاپ بوگەنباي باتىر داڭعىلىنا دەيىنگى اقجول كوشەسىن، ش.قالداياقوۆ كوشەسىنەن ابىلاي حان داڭعىلىنا دەيىنگى ۇلى دالا داڭعىلىن جانە 4 جول ايرىعى مەن ٴبىر جول وتكىزۋ كوپىرىنىڭ قۇرىلىسىن 2020-2023 جىلدارى اياقتاۋ جوسپارلانۋدا.

بۇل جۇمىستاردى اياقتاۋ ٴۇشىن كەدەرگى كەلتىرىپ تۇرعان ۇيلەردى بۇزۋ قاجەت. جالپى شاج قۇرىلىسى ترانزيتتىك كولىكتەرگە (تاۋلىگىنە 20 مىڭ اۆتوكولىك) استانا قالاسىنىڭ ورتالىعىنا كىرمەي-اق، اينالىپ وتۋگە مۇمكىندىك بەرەدى. وسىنىڭ ناتيجەسىندە تۇران، قابانباي باتىر، ماڭگىلىك ەل، بوگەنباي باتىر داڭعىلدارى مەن سارايشىق كوشەسىنىڭ جۇكتەمەسىن قىسقارتاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي