BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا تمد-دا بالاماسى جوق جاڭا زاۋىت سالىندى

«الماتىنىڭ 50 جوبالار-درايۆەرلەرى» باستاماسى اياسىندا مەگاپوليستىڭ يندۋستريالدى ايماعىندا «tokyo rope manufacturing» ترانسۇلتتىق كورپوراسياسىنىڭ ينجەنەرلىك جۇيەلەردى قورعايتىن ٴونىم شىعاراتىن جاڭا زاۋىتى تەحنيكالىق تۇرعىدا اشىلدى. كاسىپورىننىڭ تمد-دا بالاماسى جوق جانە جاپوندىق ينۆەستيسيا ەسەبىنەن سالىندى، دەپ حابارلايدى baq.kz اقپارات اگەنتتىگى.

مەگاپوليس اكىمى باۋىرجان بايبەك جوعارى تەحنولوگيالىق زاۋىتتىڭ ەل پرەزيدەنتى نۇرسۇلتان نازاربايەۆتىڭ شەتەلدىك ينۆەستيسيانى تارتۋ جانە رەسپبۋليكا ايماعىندا يننوۆاسيالىق ٴوندىرىس قۇرۋ جونىندەگى تاپسىرماسىن ورىنداۋ اياسىندا اشىلعانىن اتاپ ٴوتتى.

جاڭا كاسىپورىندا بۇرعىلايتىن انكەرلەر، جوعارى ٴتوزىمدى مەتالل ارقاندار، تاۋ جانە كارەرلەردە قولدانىلاتىن بولات تورلار شىعاراتىن جانە تەحنيكالىق پارامەترى جاعىنان وتە قۇندى جابدىقتار ورناتىلعان. زاۋىتتىڭ قۋاتى جوعارى، جىلىنا 17 مىڭ توننادان استام بولات ونىمدەرىن شىعارادى.

tokyo rope manufacturing ديرەكتورلار كەڭەسىنىڭ ٴتوراعاسى شيگەتو تاناكا الماتىنىڭ بارلىق وڭىرلەرگە وزىق جاپون تەحنولوگياسىن تاراتۋدىڭ قۇندى نۇكتەسى بولعانىن اتاپ ٴوتتى.

«2016 جىلى جوبانىڭ العاشقى فازاسى جۇزەگە اسىپ، tokyo rope almaty زاۋىتىنىڭ ونىمدەرى تمد ەلدەرى مەن پارسى شىعاناعىندا، سونىڭ ىشىندە ساۋد ارابياسىنىڭ ٴىرى جوبالارىندا قولدانىلا باستادى. الماتى زاۋىتىنىڭ شاعىن ونىمدەرى ەسەنتاي وزەنى جاعالاۋىنىڭ، ۇلكەن الماتى وزەنىنە دەيىنگى اۆتوجولداردى، مەدەۋ- شىمبۇلاق اسپالى جول مەن «مىڭجىلقى» پلاتيناسىنىڭ بەرىكتىگىن ارتتىرۋدا پايدالانىلدى. مەن بۇگىنگى بىرىگىپ اتقارىلعان جۇمىستىڭ قازاقستانعا جاپوندىق ينۆەستيسيانىڭ جاڭا لەگىنىڭ كەلۋىنە سەرپىن بەرەتىندىگىنە سەنىمدىمىن»، - دەدى شيگەتو تاناكا.

جاپوندىق كومپانيا 130 جىلدان استام بۇرىن قۇرىلعان جانە بولات ارقاندارىن شىعارۋدا الەمدىك جەتەكشى بولىپ تابىلادى. tokyo rope سەلگە، تاس، لاي كوشكىندەرىنە قارسى تۇراتىن جابدىقتار مەن قۇرىلعىلار دا شىعارادى. جاپون فيرماسىنىڭ بولات ارقاندارى الەمدەگى 20 ٴىرى كوپىردىڭ ٴ12-سىنىڭ قۇرىلىسىندا قولدانىلدى. جاپونيادا شىعاتىن ٴاربىر ٴتورتىنشى اۆتوشيندە tokyo rope ونىمدەرى بار. بۇلاردان وزگە كومپانيا جەدەل ليفتەر مەن ينجەنەرلىك قورعانىس ٴوندىرىسى ٴۇشىن جوعارى ساپالى ارقاندار شىعارۋمەن دە تانىمال.

«جالپى، الماتىنىڭ يندۋستريالدى ايماعىندا قازىرگى كەزدە قۇرىلىس، فارماسەۆتيكا، حيميا، تاماق جانە جەڭىل ونەركاسىبى سالالارى بويىنشا 40-تان استام ٴىرى وتاندىق جانە شەتەلدىك جوبالالار جۇزەگە اسۋدا. بيىلعى جىلى 9 جاڭا جوبا ەنگىزۋ جوسپارلانعان، سونىڭ ىشىندە كابەل وتكىزگىش ونىمدەرىن شىعاراتىن رەسەيلىك «كمك investment» كومپانياسى، مۇناي، گاز سۋ جانە مۇناي ونىمدەرىن تاسىمالداۋ ٴۇشىن ۇلكەن ديامەترلى بولات قۇبىرلار وندىرەتىن قازاقستاندىق- قىتايلىق «asia steel pipe corporation» كاسىپورنى بار»، - دەدى الماتى اكىمدىگىنىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي