BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا جەڭىل ونەركاسىپ سالاسىنا يننوۆاسيالىق تەحنولوگيالاردى ەنگىزۋ قولعا الىندى

فوتو: ашық дереккөзден

قر ينۆەستيسيالار جانە دامۋ مينيسترلىگىنىڭ قولداۋىمەن «nadloc» اق «جەڭىل ونەركاسىپ كاسىپورىندارىنا جاڭا تەحنولوگيالاردى ەنگىزۋ جولدارى» تاقىرىبىندا كونفەرەنسيا وتكىزدى، دەپ حابارلايدى baq.kz ٴتىلشىسى.

جەڭىل ونەركاسىپ سالاسىنىڭ ماماندارى جەڭىل ونەركاسىپكە، اسىرەسە توقىما وندىرىسىنە جاڭا تەحنولوگيالاردى ەنگىزۋ جولدارى ارقىلى ەڭبەك ونىمدىلىگىن ارتتىرىپ جانە ٴوندىرىس شىعىندارىن ازايتۋعا بولادى دەگەن پىكىردە. سونداي-اق، جاڭا تەحنولوگيالار ٴونىم باعاسىنىڭ تومەندەۋىنە، ىشكى جانە سىرتقى نارىقتا وتاندىق ونىمدەردىڭ باسەكەگە قابىلەتتىلىگىن ارتتىرۋعا ىقپال ەتەتىنى ايتىلدى.

كونفەرەنسيا بارىسىندا «تەرميالىق قورعانىش كيىم جانە روبوتتى تىگىن ماشيناسىن ٴوندىرۋ» جوباسىنىڭ جەتەكشىسى – گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جوبالاۋ ٴبولىمىنىڭ پروفەسسورى مۇرات مىڭبايەۆ جوبانىڭ تانىستىرىلىمىن جاسادى.

«تەحنولوگيالىق پروسەستەردى جوبالاۋ اۆتوماتتاندىرىلعان جۇيەلەرىن الۋ قيىن، كولىك-لوگيستيكالىق باعىتتاردى وڭتايلاندىرۋ پروسەسى ازىرلەنبەگەن. كاسىپورىنداردىڭ سالىستىرمالى تۇردە تومەن يننوۆاسيالىق بەلسەندىلىگى – 9،3 %»، - دەدى مۇرات مىڭبايەۆ.

ونىڭ ايتۋىنشا، بۇل كورسەتكىش شەت ەلدەردە الدەقايدا جوعارى، شەت ەلدەردەگى يننوۆاسيالىق بەلسەندىلىك شۆەسيادا - 57%، گەرمانيادا - 70%، فينليانديا - 46%، اۆتريادا -70%، ۇلىبريتانيادا - 62% قۇرايدى.

«دۇنيەجۇزىلىك بانك قارجىسى ەسەبىنەن تىگىن ونەركاسىبىنىڭ باسەكەگە قابىلەتتىلىگىن ارتتىرىپ، ىنتالاندىرۋ ٴۇشىن «ٴسان الەمى» ديزاين جانە تەحنولوگيالىر ينستيتۋتى» يندۋستريالدى-عىلىمي ىنتىماقتاستىق ورتالىعى قۇرىلدى. عىلىمي-زەرتتەۋ بازاسى مەن تىگىن يندۋسترياسىن يننوۆاسيالىق دامىتۋ درايۆەرى قىزمەتىن اتقارادى»، - دەپ اتاپ ٴوتتى جوبا جەتەكشىسى مۇرات مىڭبايەۆ.

سونىمەن قاتار، سالا مامانى بۇل كورسەتكىشتەرگە جەتۋ ماقساتىندا ەلىمىزدەگى جەڭىل ونەركاسىپ كاسىپورىندارى بىر-بىرىمەن ەمەس، حالىقارالىق دەڭگەيدە باسەكەگە دايىن بولۋ ٴۇشىن ٴوزارا بىرىگۋى كەرەك ەكەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي