BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گەرمانيادا قازاقتىڭ قوس 100 جىلدىعى قاتار تويلاندى

گەرمانيانىڭ ميۋنحەن قالاسىندا الاش وردا ۇكىمەتى قۇرىلعاندىعىنىڭ 100 جىلدىعى مەن ٴدىن عۇلاماسى حاليفا التايدىڭ تۋعانىنا 100 جىل تولعانىن ەسكە الۋ شاراسى ٴوتتى، دەپ حابارلايدى baq.kz.

بۇل تۋرالى گەرمانياداعى قانداسىمىز، قوعام قايراتكەرى ٴومىرحان التىن مالىمدەدى.

ەسكە الۋ بارىسىندا كەڭەس وداعى تاراپىنان جانە گومينداڭ قىتاي ۇكىمەتى تاراپىنان قۋعىن-سۇرگىنگە ۇشىراعان، ٴار كەزەڭدەگى وتارشىلدىق پەن زۇلمدىق ساياساتتارىنىڭ قۇربانىنا اينالعان، گيمالاي اسىپ كوشكەن جانە باسقا دا تاريحي قيىن كەزەڭدەر ەسكە الىندى. باياندامال جاسالىپ، ٴسوز سويلەندى.

الاشتىڭ ارداقتى ۇلدارى حاليفا التاي، ٴاليحان بوكەيحان، زۋقا ٴسابيت ۇلى، ٴمىرجاقىپ دۇلات ۇلى، احمەت بايتۇرسىن ۇلى، ماعجان جۇماباي ۇلى جانە مۇستافا شوقاي باستاعان بارلىق الاش وردا قايراتكەرلەرىنە، ميلليونداعان اشارشىلىق قۇرباندارىنا، ەل-جەرى ٴۇشىن جانىن قيعان بارلىق شايتتەرىمىزگە ارناپ قۇران وقىپ، اۋىزاشار بەردى.

شاراعا ميۋنحەندەگى قازاق اعايىندارمەن قاتار باسقا دا مۇسۇلماندار كەلدى.

ەستەرىڭىزگە سالا كەتەيك، وتكەن جىلى دا گەرمانيا جانە باسقا دا ەۋروپا ەلدەرىندە تۇركى جۇرتىنىڭ داڭقتى ۇلى، الاشتىڭ اردالارىنىڭ ٴبىرى زۋقا باتىر ٴسابيت ۇلىنىڭ 150 جىلدىعى كەڭ كولەمدى اتالىپ وتكەن بولاتىن. ۇلىلارىمىزدى ۇلىقتاۋدىڭ بۇنداي شارالارى ەۋروپا ەلدەرىندەگى قانداستارىمىز اراسىندا دا داستۇرگە اينالىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي