BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇەم تاريفتەردى تومەندەتۋ بويىنشا قابىلداناتىن شارالاردى اتادى

استانا، baq.kz ٴتىلشىسى. بۇگىن ۇلتتىق ەكونوميكا مينيسترلىگىندە «تاريف ساياساتىنىڭ اشىقتىعى جانە تاريفتەردى تومەندەتۋ بويىنشا قابىلداناتىن شارالار» تاقىرىبىندا وتكەن دوڭگەلەك ۇستەل ٴوتتى.

دوڭگەلەك ۇستەلدە قر پرەمەر-مينيسترى باقىتان ساعىنتايەۆتىڭ 13 قاراشاداعى حاتتامالىق تاپسىرماسى شەڭبەرىندە سۋبەن، گازبەن جابدىقتاۋ، سۋ بۇرۋ، تەلەفون بايلانىسى، ينتەرنەت، پيك قىزمەتتەرى، اۆتوبۋس، ترامۆاي تاسىمالدارى، قوقىس شىعارۋ جانە ليفت قىمەتتەرىنە تاريفتەردى تومەندەتۋ بويىنشا ٴىس-شارالار جوسپارى تالقىلاندى.

«بۇگىندە جىلۋمەن جانە سۋمەن جابدىقتاۋ، ەلەكتر ەنەرگياسىن بەرۋ مەن جابدىقتاۋ سالاسىنداعى 40 مونوپوليست بويىنشا تاريفتەردى 28،8 ملرد تەڭگەگە تومەندەتۋ شەشىمى قابىلداندى. جىل سوڭىنا دەيىن جىلۋمەن جابدىقتاۋ، سۋمەن جابدىقتاۋ، ەلەكتر ەنەرگياسىن تاراتۋ جانە گازدى تاسىمالداۋ سالاسىنداعى 15 مونوپوليست بويىنشا تاريفتەردى 2،7 ملرد تەڭگەگە تومەندەتۋ كۇتىلۋدە»، - دەدى ۇلتتىق ەكونوميكا ۆيسە-مينيسترى سەرىك جۇمانعارين.

ونىڭ ايتۋىنشا، مونوپوليستەردىڭ نەگىزسىز العان كىرىستەرىن انىقتاۋ جانە ولاردى تۇتىنۋشىلارعا قايتارۋ ماقساتىندا مونوپوليستەرگە قاتىستى 53 جوسپاردان تىس تەكسەرۋلەر اشىلعان.

«مونوپوليستەردى جوسپاردان تىس تەكسەرۋلەر 7 قاراشادان باستاپ وتكىزىلگەن قوعامدىق قابىلداۋلاردان كەيىن اشىلعان بولاتىن. قازىرگى ۋاقىتتا 11 جوسپاردان تىس تەكسەرۋ اشىلادى دەپ جوسپارلانۋدا. سونداي-اق، ەنەرگەتيكا مينيسترلىگىمەن بىرلەسە ەلەكتر ەنەرگياسىن مەن گازدىڭ كوتەرمە باعالارىن تومەندەتۋ بويىنشا جۇمىس جۇرگىزىلىپ جاتىر. بۇل جۇمىس بۇگىن-ەرتەڭ اياقتالىپ قالادى، قورىتىندىسى تۋرالى سارسەنبى كۇنى بارلىق ٴوڭىر بويىنشا ەگجەي-تەگجەيلى حابارلايتىن بولامىز»، - دەدى جۇمانعارين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي