BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاسماعانبەتوۆ پەن مامىتبەكوۆ استاناداعى بيزنەستى دامىتۋعا كەلىستى

فوتو: logists.kz

بۇگىن ەلوردادا «نۇر وتان» پارتياسىنىڭ قالالىق فيليالى مەن استانانىڭ كاسىپكەرلەر پالاتاسى اراسىندا ٴوزارا ىنتىماقتاستىق تۋرالى مەموراندۋم راسىمدەلدى. اتالعان قۇجاتقا فيليال باسشىسىنىڭ ورىنباسارى ەدىل مامىتبەكوۆ پەن پالاتا باسشىسى عاني تاسماعانبەتوۆ قول قويدى، دەپ حابارلايدى baq.kz ٴتىلشىسى.

مەموراندۋم اياسىندا «نۇر وتان» پارتياسىنىڭ قالالىق فيليالى مەن استانانىڭ كاسىپكەرلەر پالاتاسى اراسىندا بايلانىس ورناتىپ، ەلورداداعى شاعىن جانە ورتا بيزنەستىڭ دامۋىنا قولداۋ كورسەتۋ كوزدەلگەن. وسى ورايدا ٴوزارا اقپارات الماسۋ، وتاندىق كاسىپكەرلەردىڭ باسەكەگە قابىلەتتىلىگىن ارتتىرۋ، بيزنەس باساتامالارعا زاڭدى، ەكونوميكالىق جانە الەۋمەتتىك جاعداۋ جاساۋ جوسپارلانعان.

«ٴبىز «نۇر وتان» پارتياسىمەن بىرلەسە وتىرىپ، شاعىن جانە ورتا بيزنەستى دامىتۋدى كوزدەيمىز. بۇگىندە كاسىپكەرلەر پالاتاسى سان الۋان باعىتتاردا جۇمىس ىستەپ كەلەدى. سونىڭ ىشىندە كاسىپكەرلەردىڭ قۇقىقتارىن قورعاۋ، اكىمشىلىك كەدەرگىلەردى جويۋ، بيزنەسمەندەردى وقىتۋ، ولارعا ارىپتەس پەن قارجى تابۋ سياقتى شارالار بار. ەندى، «نۇر وتان» پارتياسىمەن بىرلەسە وتىرىپ، ٴبىز اكىمشىلىك توسقاۋىلداردى بارىنشا ازايتىپ، كاسىپكەرلەردىڭ قۇقىقتارىن قورعاۋدى كوزدەيمىز»، - دەيدى پالاتا ديرەكتورى ع.تاسماعانبەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي