BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سامۇرىق-ەنەرگو» اق 31،25 ملرد كۆت/س ەلەكتر ەنەرگياسىن وندىرگەن

الماتى، baq.kz. «سامۇرىق-ەنەرگو» اق قازاقستاندىق تۇتىنۋشىلاردىڭ 2018 جىلعا ارناپ ەلەكتر ەنەرگياسى مەن ەنەرگەتيكالىق كومىرگە بەرگەن تاپسىرىستارىنىڭ ٴبارىن تولىق قامتاماسىز ەتتى. بۇل تۋرالى اتالعان مەكەمەنىڭ ٴباسپاسوز قىزمەتى حابارلادى.

قازاقستاندىق اسا ٴىرى ەلەكتر ەنەرگەتيكالىق حولدينگتىڭ قۇرىلىمىنداعى ٴوندىرۋشى كومپانيالار وسى جىلدىڭ 10 جەلتوقسانىندا-اق ەلەكتر ٴوندىرۋ بويىنشا جىلدىق جوسپارلارىن 100 پايىزعا ورىنداپ ۇلگەرگەن. ياعني، «ب.نۇرجانوۆ اتىنداعى ەكىباستۇز گرەس-1» جشس، «الماتى ەلەكتر ستانسيالارى» اق، «شاردارا سەس» اق، «و.قانتايەۆ اتىنداعى مويناق سەس» اق، «ەكىباستۇز گرەس-2 ستانسياسى» اق قارقىندى جۇمىس اتقارعان.

«سامۇرىق-ەنەرگو» اق-نىڭ ەنەرگيا ٴوندىرۋشى ۇيىمدارى جىل باسىنان بەرى 27 جەلتوقسانعا دەيىن جوسپارلانعان 31،19 ملرد كۆت/س-تىڭ ورنىنا 31،25 ملرد كۆتس ەلەكتر ەنەرگياسىن ٴوندىردى. بۇل كورسەتكىش 2017 جىلدىڭ ٴدال وسىنداي كەزەڭىنە قاراعاندا 4 ملرد كۆتس (نەمەسە 15%-كە) ارتىق. جىل قورىتىندىسى بويىنشا «سامۇرىق-ەنەرگو» اق-دا 31،7 ملرد كۆت/س ەلەكتر ەنەرگياسى وندىرىلەدى دەپ كۇتىلۋدە، بۇل قازاقستان بويىنشا جالپى وندىرىلەتىن ەلەكتر ەنەرگياسىنىڭ شامامەن 30%ٴ-ىن قۇرايدى»، - دەلىنگەن حابارلامادا.

ەكىباستۇزداعى «بوگاتىر كومىر» ٴجشس-نىڭ كومىر كەنىشتەرىنەن جىل باسىنان بەرى جوسپارلانعان 40،7 ملن توننانىڭ ورنىنا 44،5 ملن توننا كومىر جونەلتىلگەن، ونىڭ 9،4 ملن تونناسى ەكسپورتتالعان. بۇل 2017 جىلعا قاراعاندا 4،3 ملن تونناعا ارتىق.

«كوممۋنالدىق-تۇرمىستىق كومىردى (كتك) جونەلتۋ دە تۇتىنۋشىلاردىڭ تاپسىرىستارىنا سايكەس جوسپارلى رەجيمدە ىسكە اسىرىلۋدا. كتك بويىنشا 2018 جىلعا ارنالعان جىلدىق جوسپار 1 ملن توننانى قۇرايدى، ول 25 قىركۇيەكتە ورىندالىپ قويدى. بۇگىنگى جاعداي بويىنشا 1،51 ملن توننا نەمەسە جىلدىق جوسپاردىڭ 151 %ٴ-ىن قۇرايتىن تۇرمىستىق-كوممۋنالدىق كومىر ساتىلدى»، - دەلىنگەن حابارلامادا.

بۇگىنگى تاڭدا ەلىمىزدىڭ اسا ٴىرى ەلەكتر ەنەرگەتيكالىق حولدينگىندە ەنەرگيا ٴوندىرۋشى ۇيىمدارعا (ەوۇ) ارنالعان ەلەكتر ەنەرگياسى نارىعىنداعى جاڭا ەرەجەلەرگە دايىندىق جۇرۋدە ەكەن. بەلگىلى بولعانداي، 2019 جىلعى 1 قاڭتاردان باستاپ، ٴوندىرۋشى جابدىقتىڭ توزۋ دەڭگەيىن قىسقارتۋ ماقساتىندا، قازاقستاندا قۋات نارىعى قولدانىسقا ەنگىزىلمەك. ول جاڭا ەنەرگيا كاسىپورىندارىن قۇرۋعا، جۇمىس ىستەپ تۇرعاندارىن جاڭعىرتۋعا جانە قايتا قۇرۋعا مۇمكىندىك بەرمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي