BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار جارتى جىلدا ريەلتورلارعا 390 ملرد تەڭگە تولەگەن

فوتو: ПРОСТОР агентство недвижимости

قازاقستاندىقتار جارتى جىلدا ريەلتورلارعا 390 ملرد تەڭگە تولەگەن. بۇل بىلتىرعى جىلمەن سالىستىرعاندا 8 پايىزعا كوپ. ٴبىر ايدىڭ ىشىندە 19،5 مىڭ ساتۋ-ساتىپ الۋ كەلىسىمشارتى جاسالىپتى، بۇل دەگەنىمىز بىلتىرعى جىلمەن سالىستىرعاندا 26 پايىزعا كوپ، دەپ حابارلايدى baq.kz اقپارات اگەنتتىگى energyprom.kz-كە سىلتەمە جاساپ.

العاشقى جارتى جىلدىقتا جىلجىمايتىن مۇلىك بويىنشا قىزمەت كورسەتۋ 390،35 ملرد تەڭگەگە جەتكەن، وتكەن جىلمەن سالىستىرعاندا 7،8 %-عا كوپ.

ريەلتورلىق قىزمەتتىڭ 40 %-ى الماتىدا (154،85 ملرد تەڭگە +10،5 % ٴبىر جىلعا)، استانادا 20،8 %-ى (81،11 ملرد تگ، +10،4 %) كورسەتىلگەن. وبلىس بويىنشا ريەلتورلاردىڭ قىزمەتىنە جۇگىنۋدەن قاراعاندى وبلىسى كوش باستاپ تۇر – 21 ملرد تەڭگە، ٴبىراق بۇل بىلتىرعى جىلمەن سالىستىرعاندا 21 %-عا از.

ريەلتورلاردىڭ دا جۇمىسى قىزىپ تۇر. شىلدە ايىندا تۇرعىن ٴۇيدى ساتۋ-ساتىپ الۋدىڭ 19،5 مىڭ كەلىسىمشارتى جاسالعان. بۇل وتكەن جىلمەن سالىستىرعاندا 26،1 %- عا كوپ.

ايتا كەتەرلىگى پاتەرگە دەگەن سۇرانىس جەكە تۇرعىن ۇيگە قاراعاندا كوبىرەك. ماسەلەن، پاتەرلەر بويىنشا كەلىسىمشارتتار سانى جىلىنا 34،8 % -عا، 13،3 مىڭعا، جەكە تۇرعىن ۇيلەرگە - 14،1% -عا، 6،4 مىڭعا دەيىن ٴوستى.

تۇرعىن ٴۇي باعاسى وتكەن جىلمەن سالىستىرعاندا ٴبىرشاما ارزانداعان. قولدانىستا بولعان ۇيلەردىڭ باعاسى ٴبىر جىلدا 1،7 % -عا، شارشى مەترى ٴۇشىن 188،1 مىڭعا دەيىن تومەندەپتى. جاڭا ۇيلەر بولسا ٴبىر شارشى مەترى ٴۇشىن تەك 0،2 7 % -عا ، شارشى مەترى ٴۇشىن 252،3 مىڭ تەڭگەگە ارزانداعان.

جاڭا ۇيلەردىڭ باعاسى (ماۋسىم ايىنان شىلدەگە دەيىن) +1،3 % -عا كوتەرىلگەن، ال قولدانىستا بولعان ٴۇيدىڭ باعاسى وزگەرىسسىز قالدى.

ريەلتورلار نارىقتاعى مۇنداي جاعدايعا «نۇرلى جەر» باعدارلاماسىنىڭ ىسكە قوسىلۋى سەبەپ دەيدى. «نۇرلى جەر» مەملەكەتتىك باعدارلاماسى جىل باسىندا ىسكە قوسىلعان بولاتىن، سونىڭ ارقاسىندا كوپتەگەن قازاقستاندىق قولجەتىمدى باعادا تۇرعىن ۇيگە قول جەتكىزگەن. 8 ەكىنشى دەڭگەيلى بانك جىلىنا 16 %-بەن يپوتەكالىق زاەم بەرە باستادى، ونىڭ 10%-ىن جىلجىمايتىن مۇلىكتى ساتىپ الۋشى وتەسە، 6%-ىن مەملەكەت قايتارادى.

بۇل باعدارلامانىڭ ەرەكشەلىگى سول، جاڭا ۇيلەردى عانا پايدالانۋعا بەرەدى. ول قولدانىستا بولعان تۇرعىن ٴۇي باعاسىنىڭ تۇسۋىنە ىقپال ەتتى.

ريەلتورلار قولدانىستا بولعان تۇرعىن ۇيلەر ٴبىر جىلدا 15-تەن 17 %-عا دەيىن تومەندەيدى دەپ بولجاپ وتىر. ال جاڭا ۇيلەردىڭ باعاسى كەرىسىنشە وسەدى دەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي