BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق اۆتوونەركاسىپ سالاسىنا ٴىرى ينۆەستور كەلدى

استانا، baq.kz. استانادا ٴبىرىنشى ۆيسە-پرەمەر اسقار مامين اسا ٴىرى قازاقستاندىق ٴاۆتووندىرۋشى «سارىارقااۆتوونەركاسىپ» ٴجشس-نىڭ genertec قۇرامىنا كىرەتىن اۆتوموبيلدەر يمپورتى جانە ەكسپورتى بويىنشا قىتايدىڭ سمس (china national machinery imp. & exp. corp) ترانسۇلتتىق مەملەكەتتىك كومپانياسىنىڭ كاپيتالىنا كىرۋى تۋرالى (اكسيالاردىڭ 51%) كەلىسسوزدەر جۇرگىزىپ، ينۆەستيسيالىق كەلىسىمگە قول قويىلۋىنا قاتىستى.

اسقار مامين مۇنىڭ وتاندىق اۆتوموبيل جاساۋ سالاسى ٴۇشىن ستراتەگيالىق جوبا ەكەنىن اتاپ ٴوتتى، بۇل سالانىڭ دامۋ قارقىنى ارتىپ، سىرتقى نارىقتارعا شىعۋ ٴۇشىن ەكسپورتتىق الەۋەتى ۇلعاياتىن بولادى. جوبا «جىبەك جولىنىڭ ەكونوميكالىق بەلدەۋى» باعدارلاماسىنىڭ ماڭىزدى بولىگى بولىپ تابىلادى جانە يندۋستريالاندىرۋ مەن ينۆەستيسيالارداعى قازاقستان-قىتاي ىنتىماقتاستىعىنىڭ تىزىمىنە ەنەدى.

genertec (china general technology group) — قىتايدىڭ مەملەكەتتىك كونگلومەراتى، ماشيناجاساۋ، فارماسەۆتيكا، ينجەنەرلىك مەردىگەرلىك، قۇرىلىس جانە جىلجىمايتىن مۇلىك، سونداي-اق تەحنيكالىق كونسالتينگ سالالارىن قامتيدى. كومپانيانىڭ جىلدىق اينالىمى — $31 ملرد. ەكسپورتتىق ينۆەستيسيالىق قورجىنى — $180 ملرد.

سمس (china national machinery imp. & exp. corp.) — ٴىرى حالىقارالىق جوبالاۋشى، جوبالاردى باسقارۋدا قىزمەت كورسەتۋ بويىنشا مەردىگەر جانە اۆتوموبيل سالاسىندا كورسەتىلەتىن قىزمەتتەردى جەتكىزۋشى. genertec قۇرامىنا كىرەدى.

بىرلەسكەن كاسىپورىندى دامىتۋ اياسىندا سەرىكتەستەر سالاداعى ٴوندىرىس كولەمىن 100 000 دانا اۆتوموبيلگە جانە جەرگىلىكتەندىرۋ دەڭگەيىن 50%-عا دەيىن جەتكىزۋدى كوزدەپ وتىر. قوستاناي قالاسىندا اۆتوموبيل قۇراستىرۋ ٴوندىرىسىن دامىتۋ اۆتوموبيل وندىرىسىندە جاڭا جۇمىس ورىندارىن قۇرۋعا مۇمكىندىك بەرەدى.

genertec باسقارما ٴتوراعاسى لۋ ييمين كەلىسسوزدەر بارىسىندا بىرلەسكەن جوبا اياسىندا ٴوندىرىستى جەرگىلىكتەندىرۋ بارىنشا ۇلعايتىلىپ، برەندتەر قورجىنى ارتتىرىلىپ، جاڭا تەحنولوگيالار ەنگىزىلەتىنىن ايتتى.

قازاقستان مەن ەاەو اۋماعىنا قۇراستىرۋ بولىكتەرىن جەتكىزۋشىلەر تاڭدالىپ الىنادى، تۇتىنۋشىلارعا اۆتوموبيلدەرگە ساپالى سەرۆيستىك قىزمەت كورسەتۋدى قامتاماسىز ەتۋ بويىنشا جۇمىستار جالعاستىرىلادى.

بىرلەسكەن كاسىپورىنعا سالىنعان ينۆەستيسيالاردىڭ جالپى سوماسى شامامەن $1،1 ملرد بولماق.

قىتايلىق سەرىكتەسپەن جانە ينۆەستورمەن بىرلەسىپ، 2019–2021 جج. ٴوندىرىستى دامىتۋ ستراتەگياسى اياسىندا jac، ankai، howo، hanteng برەندىندەگى اتۆوموبيلدەرى شىعارۋ جوسپارلانىپ وتىر.

قول قويۋ راسىمىنە سونداي-اق قر-داعى قحر ەلشىسى چجان سياو، ينۆەستيسيالار جانە دامۋ ٴمينيسترى جەڭىس قاسىمبەك، «بايتەرەك» حولدينگىنىڭ باسقارما ٴتوراعاسى ايدار ٴارىپحانوۆ، قازاقستان دامۋ بانكىنىڭ باسقارما ٴتوراعاسى بولات جامىشەۆ، bank of china international پرەزيدەنتى سۋن سزينشان قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي