BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا رەسەيدەن اكەلىنەتىن قۇس ونىمدەرىنە شەكتەۋ قويىلدى

فوتو: Автор

استانا، baq.kz ٴتىلشىسى. قازاقستان رەسپۋبليكاسى اۋىل شارۋاشىلىعى مينيسترلىگى قۇس تۇماۋىنىڭ ٴورشۋى تىركەلگەن رەسەيلىك زاۋىتتاردان اكەلىنەتىن قۇس ونىمدەرىن يمپورتتاۋعا شەكتەۋ قويدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ايتىلدى.

قر جۇمىرتقا وندىرۋشىلەر اسسوسياسياسى پرەزيدەنتى ماكسيم بوجكو رەسەي فەدەراسياسىنىڭ ٴبىرقاتار وڭىرلەرىندە تىركەلگەن قۇس تۇماۋىنا بايلانىستى وتاندىق تاۋىق ەتىن جانە جۇمىرتقا ونىمدەرىن وندىرۋشىلەرىنىڭ جاعدايىمەن تانىستىردى.

"قازىرگى ۋاقىتتا قازاقستاندىق وندىرۋشىلەر تاۋىق جۇمىرتقاسىنا دەگەن مەملەكەت سۇرانىسىن 100% قامتاماسىز ەتىپ وتىر جانە ونىمدەرىن كورشىلەس ەلدەرگە ەكسپورتتاۋدا. 2017 جىلى قازاقستان رەسپۋبليكاسىندا 5 086 471،3 مىڭ جۇمىرتقا جانە 179 624،4 توننا تاۋىق ەتى ٴوندىرىلدى. وتاندىق وندىرۋشىلەر ٴوندىرىس قۋاتىن ارتتىرۋعا جانە قىتاي نارىعىنا شىعۋعا دايىن. بۇل ٴۇشىن قىتايعا تاۋىق ونىمدەرىن ەكسپورتتاۋعا سالىنعان تىيىمدى الىپ تاستاۋ بويىنشا كومەك قاجەت"، - دەيدى ول.

ماكسيم بوجكو قازاقستاندا قۇس تۇماۋىنىڭ جاعدايى باقىلاۋدا ەكەنىن ايتتى.

"قازاقستاننىڭ قۇس فابريكالارى قاتاڭ سانيتارلىق باقىلاۋى بار جابىق كاسىپورىندار بولىپ سانالادى. قۇستار جابىق عيماراتتاردا وزدەرىنىڭ ميكروكليماتىمەن قامتىلعان، ازىق تەرمو - وڭدەۋدەن مىندەتتى تۇردە وتكىزىلەدى. جابايى قۇستارمەن بايلانىسى جوق. قازىرگى تاڭدا قازاقستاندا وندىرىلگەن جۇمىرتقا مەن قۇس ەتىنەن كەلەر ٴقاۋىپ جوق"، - دەيدى ول.

سونداي-اق، ماكسيم بوجكو ٴۇي جۇمىرتقاسىنان گورى قۇس فابريكاسىندا وندىرىلەتىن جۇمىرتقانى تۇتىنۋ دۇرىس ەكەنىن، سەبەبى ول جەردە وندىرىلگەن جۇمىرتقالار ٴتيىستى تەكسەرىستەن ۋاقىتىلى وتەتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي