BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ قاي وڭىرىندە نەسيەنى كوپ الاتىنى بەلگىلى بولدى

نەسيە الۋ بويىنشا ەلىمىزدە قاي ٴوڭىردىڭ كوش باسىندا ەكەنى انىقتالدى، دەپ حابارلايدى baq.kz اقپارات اگەنتتىگى ranking.kz سايتىنا سىلتەمە جاساپ.

نەسيەنى ەڭ كوپ الاتىندار الماتى تۇرعىندارى كورىنەدى، ەكىنشى ورىندا ماڭعىستاۋلىقتار، ال ٴۇشىنشى ورىندا استانا تۇرعىندارى تۇر.

زەرتتەۋ ناتيجەسى كورسەتكەندەي، قازاقستاندا نەسيە الۋ كولەمى ارتىپ كەلەدى. 2018 جىلعى ناۋرىز ايىنىڭ سوڭىنداعى كورسەتكىش بويىنشا ٴبىر جىل ىشىندە نەسيە مولشەرى 16،9%-عا ارتىپ، ەكونوميكالىق بەلسەندى تۇرعىندارعا شاققاندا 331،2 مىڭ تەڭگەگە جەتكەن.

نەسيەنى ەڭ كوپ الاتىن الماتىلىقتاردا ادام باسىنا شاققاندا تۇتىنۋشى قارىزىنىڭ كولەمى 1،2 ميلليون تەڭگەنى نەمەسە 6،2 ايلىق جالاقىنى قۇراپ وتىر. ودان كەيىنگى ورىندا ماڭعىستاۋ وبلىسى، مۇندا نەسيە مولشەرى ادام باسىنا شاققاندا 522،6 مىڭ تەڭگە نەمەسە 1،9 ايلىق جالاقى بولدى. ال، تۇتىنۋشىلىق قارىز كولەمى بويىنشا ٴۇشىنشى ورىندا تۇرعان استانا، وندا ەكونوميكالىق بەلسەندى تۇرعىننىڭ باسىنا شاققاندا 458،6 مىڭ تەڭگە، ياعني 2،1 ايلىق جالاقىنى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي