BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن گەرمانيا اراسىندا تاۋار اينالىمى ارتقان

فوتو: Мәжілістің баспасөз қызметі

استانا، baq.kz ٴتىلشىسى. پارلامەنتتە ٴماجىلىستىڭ اگرارلىق ماسەلەلەر كوميتەتىنىڭ ٴتوراعاسى ساپارحان وماروۆ گەرمانيانىڭ اۋىل شارۋاشىلىعى جانە ازىق-تۇلىك ۆيسە-مينيسترى ميحاەل شتيۋبگەنمەن كەزدەستى.

كەزدەسۋ بارىسىندا قازاقستان مەن گەرمانيا اراسىنداعى قارىم-قاتىناستار، ونىڭ ىشىندە پارلامەنتارالىق بايلانىستاردى ودان ٴارى نىعايتۋ ماسەلەلەرى تالقىلاندى. تاراپتار ەكى جاقتى ساۋدا-ەكونوميكالىق جانە ينۆەستيسيالىق ىنتىماقتاستىققا ەرەكشە نازار اۋداردى.

«وتكەن جىلدىڭ قورىتىندىسى بويىنشا ەكى ەل اراسىنداعى تاۋار اينالىمى 4 ملرد 856 ملن ەۋرونى قۇراپ، ٴبىر جىل ىشىندە 21،8 پايىزعا ارتقان. قازاقستان گەرمانيانىڭ ەنەرگەتيكالىق قاۋىپسىزدىگىن قامتاماسىز ەتۋدە ماڭىزدى ٴرول اتقارادى»، - دەدى ساپارحان وماروۆ.

اگرارلىق ماسەلەلەر كوميتەتى ٴتوراعاسىنىڭ ايتۋىنشا، قازاقستاندا نەمىس كاپيتالىنىڭ ۇلەسىمەن 600-گە جۋىق كاسىپورىن جۇمىس ىستەپ، ەلىمىزدە نەمىس كاسىپكەرلىگىنىڭ دامۋىنا بارىنشا قولايلى جاعداي جاسالعان.

ٴوز كەزەگىندە ەلورداعا العاش رەت كەلگەن گەرمانيانىڭ اۋىل شارۋاشىلىعى جانە ازىق-تۇلىك ۆيسە-مينيسترى ميحاەل شتيۋبگەن استانانىڭ، جالپى قازاقستاننىڭ سەرپىندى دامۋىن ەرەكشە اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي