BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ينۆەستورلاردى قورعاۋ بويىنشا ۇزدىك اتاندى

استانا، baq.kz. ايگىلى «forbes» جۋرنالى جەلتوقساننىڭ 19-ىندا بيزنەس ٴۇشىن ەڭ قولايلى ەلدەردى اتادى. امەريكالىق باسىلىم مۇنداي ٴتىزىمدى 13 جىل قاتارىنان جاساپ كەلەدى، دەپ جازادى abctv.kz.

كاسىپكەرلىككە دوستىق پەيىلى زور مەملەكەتتەردىڭ كوش باسىندا ۇلىبريتانيا تۇر. «برەكسيتتىڭ» شىرماۋىنا ٴتۇسىپ، ەۋروپا وداعىمەن اجىراسىپ جاتسا دا، بىرىككەن كورولدىك ەڭبەك رەسۋرستارىمەن، يننوۆاسياسىمەن، بيۋروكراتياعا جانى قاستىعىمەن ەكى جىلدان بەرى كوش باسىن وزگەلەرگە بەرمەي كەلەدى.

« ۇلىبريتانيا عالامدانعان ەكونوميكاعا يە، ياعني، ول ساۋدا، ينۆەستيسيا، كاپيتال اعىنى، يمميگراسيا تۇرعىسىنان العاندا الەمگە مەيلىنشە اشىق مەملەكەت. سونىمەن قاتار ونىڭ كاسىپكەرلىك پەن ينۆەستيسيالىق كليماتى جاعىمدى. ال ەۋروپا وداعىنان شىعۋ پروسەسى بريتان ۇكىمەتىنە وزگە ەلدەرمەن ساۋدالىق سەرىكتەستىكتى ٴتىپتى كەڭەيتۋگە مۇمكىندىك بەرگەلى وتىر»، – دەيدى moody’s اگەنتتىگىنىڭ باس ەكونوميستى مارك زاندي «forbes» تىلشىسىنە بەرگەن سۇقباتىندا.

best countries for business (بيزنەس ٴۇشىن ەڭ ۇزدىك ەلدەر) تىزىمىنە الەمنىڭ 161 ەلى ىلىككەن. جۋرنال ماماندارى ولاردىڭ رەيتينگىن 15 فاكتور بويىنشا انىقتادى: جەكەمەنشىك قۇقىعى، يننوۆاسيا، سالىق، تەحنولوگيا، كوررۋپسيا، ينفراقۇرىلىم، نارىق كولەمى، ساياسي ٴقاۋىپ، ٴومىر ساپاسى، ەڭبەك رەسۋرستارى، ەركىندىك (جەكە باس، ساۋدا جانە مونەتارلىق)، بيۋروكراتيا جانە ينۆەستورلاردى قورعاۋ. «forbes»-تىڭ حابارلاۋىنشا، ٴار كاتەگوريا ٴادىل تارازىلانعان.

«ٴبىز سالىق، ينۆەستورلاردى قورعاۋ، بيۋروكراتيا دەڭگەيلەرىن انىقتاردا، دۇنيەجۇزىلىك بانكتىڭ doing business بايانداماسىنا جۇگىندىك. گونكونگ سالىق بويىنشا الەمدە ٴبىرىنشى ورىننان كورىنسە، ۆەنەسۋەلا – ٴ161-شى ورىندا. قازاقستان ينۆەستورلاردى قورعاۋدان ەڭ ۇزدىك شىقسا، گايتي ٴتىزىمنىڭ سوڭىندا تۇر. ال جاڭا زەلانديا بيۋروكراتيانىڭ ازدىعى جاعىنان الەمدە الدىڭعى قاتاردا، ۆەنەسۋەلا – بۇل سانات بويىنشا دا ەڭ تومەنگى ساتىدا»، – دەيدى جۋرنال اۆتورى كۋرت بادەنحاۋزەن.

ونىڭ ايتۋىنشا، ساۋدا جانە مونەتارلىق ەركىندىك رەيتينگىن «forbes» شتاب-پاتەرى ۆاشينگتوندا ورنالاسقان the heritage foundation قورىنىڭ ەكونوميكالىق ەركىندىك يندەكسىنە سۇيەنىپ جاريالاپ وتىر. ساۋدا بوستاندىعى بويىنشا سينگاپۋر، گونكونگ، شۆەيساريا تىزىمدە العاشقى ۇشتىككە كىرسە، يراك پەن يەمەن سوڭعى ەكى ورىندى يەلەنگەن.

اقشا ساياساتى ەركىندىگى بويىنشا ۆەنگريا ٴۇش جىلدان بەرى «forbes» ٴتىزىمىنىڭ باسىندا تۇر. پەرسونالدىق ەركىندىك بويىنشا 30-دان استام ەل «وتە ەركىن» دەگەن ساناتقا ىلىككەن. الايدا، سولاردىڭ ىشىندە قۇراما شتاتتار جوق.

تەحنولوگيا، يننوۆاسيا، ينفراقۇرىلىم رەيتينگى الەمدىك ەكونوميكالىق فورۋمنىڭ جىل سايىنعى عالامدىق باسەكەلەستىك بايانداماسى دەرەكتەرىنىڭ نەگىزىندە جاسالىپتى. جۋرنالدىڭ مالىمەتىنشە، اقپاراتتىق جانە كوممۋنيكاسيالىق تەحنولوگيا جاعىنان وڭتۇستىك كورەيا بارلىق ەلدەن وزعان. ال گەرمانيا يننوۆاسيادان ليدەر بولىپ تانىلدى. بۇل كاتەگوريالار بويىنشا چاد پەن انگولا ٴتىزىمنىڭ سوڭىنان كورىندى. ينفراقۇرىلىم ۇزدىگى بويىنشا ٴبىرىنشى ورىن سينگاپۋرعا، سوڭعىسى گايتيگە بۇيىرعان.

جەكەمەنشىكتى قورعاۋدان جاپونيا ەشقانداي ەلگە دەس بەرمەدى. ال جاڭا زەلانديا كوررۋسيامەن كۇرەستە الدا كەلەدى. سيريا بۇل «مايداندا» ٴتىزىمنىڭ ەڭ سوڭىندا تۇر.

امەريكالىق جۋرنال الەم مەملەكەتتەرىنىڭ جۇمىس كۇشى تۋرالى رەيتينگىن دۇنيەجۇزىلىك بانكتىڭ ەڭبەك نارىقتارىنىڭ كولەمى مەن ٴوسىمى تۋرالى مالىمەتتەرىنە جۇگىنىپ قۇراستىرعان. بۇل ساناتتار بويىنشا اقش – ٴبىرىنشى، باربادوس – سوڭعى ورىندا. ەكونوميكا كولەمى جاعىنان 19،5 تريلليون دوللارمەن تاعى دا قۇراما شتاتتار الدىنا «جان» سالمادى. ەڭ كىشكەنتاي ەكونوميكا گۆينەيا-بيساۋعا تيەسىلى (نەبارى – 700 ملن دوللار).

بارلىق كاتەگوريالاردى قوسقاندا اقش بىلتىردان بەرى بەس ورىنعا تومەندەپ، رەيتينگتە ٴ17-شى ورىن الدى. بيىل امەريكا پەرسونالدىق، ساۋدالىق، مونەتارلىق ەركىندىكتەر بويىنشا پوزيسياسىن السىرەتىپ الىپ وتىر.

ٴومىر ساپاسى، عۇمىر ۇزاقتىعى، مەكتەپتەگى جىلدار، جالپى ىشكى ٴونىمدى جان باسىنا شاققانداعى تابىس. «forbes» بۇل كاتەگوريالار بويىنشا رەيتينگتى بىرىككەن ۇلتتار ۇيىمىنىڭ ادام دامۋى يندەكسىنە سۇيەنىپ جاساعان. وسى ساناتتار بويىنشا 161 مەملەكەتتىڭ ىشىندە نورۆەگيا ٴبىرىنشى، نيگەر سوڭعى ورىندا تۇر جانە نورۆەگيا ەڭ ٴقاۋىپسىز، ال يەمەن ەڭ ٴقاۋىپتى ەل اتاندى.

سونىمەن، بيزنەسكە قولايلى ەل – بريتانيا. تۇماندى البيوننان كەيىن شۆەسيا، گونكونگ، نيدەرلاندى، جاڭا زەلانديا، كانادا، دانيا، سينگاپۋر، اۋستراليا جانە شۆەيساريا كەلەدى.

تمد-عا كەلسەك، «forbes»ٴ-تىڭ كاسىپكەرلىك ٴۇشىن ەڭ جاقسى مەملەكەتتەر رەيتينگىندە گرۋزيا – ٴ44-شى، رەسەي – ٴ55-شى، قازاقستان – ٴ65-شى، ازەربايجان – ٴ70-شى، ارمەنيا – ٴ87-شى، بەلارۋس – ٴ88-شى، وزبەكستان – ٴ105-شى، قىرعىزستان – ٴ108-شى، تاجىكستان124-شى ورىندى يەلەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي