BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

عالىمدار كوكونىستەردىڭ جاڭا سورتىن شىعاردى

فوتو: ашық дереккөзден

استانا، baq.kz ٴتىلشىسى. قازاقستاندىق عالىمدار سويا مەن قىزاناقتىڭ جاڭا سورتتارىن شىعاردى.

بۇگىن نازاربايەۆ ۋنيۆەرسيتەتىندە العاش رەت اgrolab networking «اگرارلىق عىلىم. بولاشاق بۇگىننەن باستالادى» اتتى شاراسى ۇيىمداستىرىلدى. وعان 3 اگرارلىق جوعارى وقۋ ورنى، 15 عىلىمي زەرتتەۋ ينستيتۋتىنىڭ بەدەلدى عالىمدارى مەن ستۋدەنتتەرى قاتىستى.

ۆيدەو: نۇرجاس جاقسىباي

اgrolab پىكىرتالاس الاڭىندا گەنومدىق سۇرىپتاۋ، جاسىل تەحنولوگيالار، مولەكۋلارلىق بيولوگيا، «اقىلدى» ەگىنشىلىك جانە اۋىل شارۋاشىلىعىنداعى تىڭ جاڭالىقتار تالقىعا سالىندى.

قازاق ەگىنشىلىك جانە وسىمدىك شارۋاشىلىعى عىلىمي زەرتتەۋ ينستيتۋتىنىڭ قىزمەتكەرى ەراسىل كاكەنوۆ عالىمدار سويانىڭ جاڭا سورتىن شىعارعانىن ٴمالىم ەتتى.

«عالىمدارىمىز سويانىڭ «جانسايا» اتتى جاڭا سورتىن شىعاردى. بيىل تاجىريبە تۇرىندە ونى الماتى قالاسى مەن الماتى وبلىسىندا وتىرعىزدىق. ناتيجەسىندە گەكتارىنا 55 سەنتنەر ٴونىم الدىق. مىسالى، قاراپايىم سويا 2،5-3 توننا بەرسە، «جانسايادان» 5،5 توننا ٴونىم الۋعا بولادى. جاڭا سورت قۇرعاقشىلىققا ٴتوزىمدى»، - دەدى ول.

ال قازاق جەمىس-كوكونىس شارۋاشىلىعى عىلىمي زەرتتەۋ ينستيتۋتى ديرەكتورىنىڭ يننوۆاسيالار جانە وندىرىسكە ەنگىزۋ جونىندەگى ورىنباسارى ٴبىرجان راحىمجانوۆ وتاندىق عالىمدار جەمىستەر مەن كوكونىستەردىڭ سوتتارىن كوبەيتۋدىڭ جاڭا جولدارىن زەرتتەپ جاتقانىن ايتتى. وسى ۋاقىتقا دەيىن ولار 200-دەن استام جەمىس پەن كوكونىس داقىلدارىنىڭ جەرگىلىكتى سورتتارىنىڭ بۋداندارىن شىعارىپتى. وسى ورايدا اتالعان ينستيتۋتتىڭ قىزمەتكەرى قىزاناقتىڭ جاڭا سورتى شىعارىلعانىن ٴمالىم ەتتى.

«وتكەن جىلى عالىمدارىمىز قىزاناقتىڭ جاڭا سورتىن شىعاردى. العاشىندا ونى «الماتى جۇرەگى» دەپ اتاۋدى ۇيعاردىق. كەيىن جاڭا سورتتى الماتىنىڭ 1 مىڭ جىلدىعىنا وراي «الماتى 1000» دەپ اتادىق. ونىڭ ٴپىشىنى جۇرەك تارىزدەس، ساپاسى وتە جوعارى، ٴىرى بولىپ كەلەدى. ودان 45 توننادان ارتىق ٴونىم الۋعا بولادى»، - دەدى ٴبىرجان راحىمجانوۆ.

سونداي-اق ول ەلوردانىڭ 15 جىلدىعىنا وراي «استانا جۇرەگى» اتتى جىلىجايدا وسىرۋگە ارنالعان قىزىناقتىڭ جاڭا سورتى شىعارىلعانىن حابارلادى. ونىڭ ايتۋىنشا، اتالعان كوكونىستەن 40-45 كەلىگە دەيىن ٴونىم الۋعا بولادى.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي