BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلەكترلىك قۋات نارىعى قاراپايىم تۇتىنۋشىعا قالاي ىقپال ەتەدى؟

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا قر ەنەرگەتيكا ۆيسە-مينيسترى سۇڭعات ەسىمحانوۆ مالىمدەدى.

«ەلەكترلىك قۋات نارىعى تاريفتەردىڭ ۇلعايۋىنا قاراي ىقپال ەتپەيدى. قازىرگى ارەكەت ەتۋشى تاريف ەكى قۇراۋىشقا بولىنەدى. بۇگىنگى تاريف ەلەكتر ەنەرگياسىنىڭ وزىندىك قۇنى تاريفىنە جانە ينۆەستيسيالىق قۇراۋىشقا بولىنگەن. سوڭعىسى، مىنە، قۋات نارىعىنا تاپسىرىلىپ وتىر. ياعني، ٴاربىر ستانسيا ساۋدا قورىتىندىسى بويىنشا ٴوز قۋاتىن ساتىپ، ينۆەستيسيالىق بولىككە قول جەتكىزدى. سوندىقتان، اقىرعى تۇتىنۋشى ٴۇشىن تاريف ماسەلەسىندە ول ەشقانداي ىقپال ەتپەيدى»، - دەپ ٴتۇسىندىردى ەسىمحانوۆ.

ۆيسە-مينيستر اتاپ وتكەندەي، كۇنى بۇگىنگە دەيىن ەنەرگيامەن قامتاماسىز ەتۋشى مەكەمەگە ٴاربىر كۆاتت ٴۇشىن تولەپ كەلگەن «ٴداستۇر» تۇتىنۋشىلار ٴۇشىن وزگەرمەيتىن بولادى.

ول شەكتى تاريفتەردى تاعايىنداۋ بويىنشا جۇمىس توبى اۋقىمدى شارالار اتقارعانىن، سونداي-اق، ٴاربىر ستانسيانىڭ جۇمىسى مەن ٴوندىرىسى ەگجەي-تەگجەيلى زەرتتەلگەنىن مالىمدەدى.

«شىعىندارعا ىشكى تالداۋ جۇرگىزۋ ارقىلى شىعىندار ەسەبىنە قاي تارماقتار جاتاتىنى ناقتىلاندى. ەگەر، بۇعان دەيىن ەلەكتر ەنەرگياسىن ٴوندىرۋ نارىقتىق مەحانيزمە بولىپ تابىلادى دەگەن ۇردىسپەن قاراپ كەلدىك تە، باقىلاۋ اسا قاتاڭ بولعان ەمەس. ال، وسى جولى ٴبىز تالاپتاردى قاتاڭداتىپ، ٴوندىرىس ورىندارىن كۇتىپ-باپتاۋ، اۋتسورسينگتىك قىزمەتتەرگە ارنالعان شىعىنداردى ەسەپتەن الىپ تاستادىق»، - دەدى مينيسترلىك وكىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي