BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇل نارىق. بۇعان دايىن بولۋ كەرەك: سۇلەيمەنوۆ ازىق-تۇلىكتى كىم قىمباتتاتىپ وتىرعانىن ايتتى ەكسكليۋزيۆ

فوتو: Naryk.kz

استانا، baq.kz ٴتىلشىسى. قر ۇلتتىق ەكونوميكا ٴمينيسترى تيمۋر سۇلەيمەنوۆ جىل سوڭىندا ازىق-تۇلىك باعاسى نەلىكتەن قىمباتتاعانىن جانە بۇعان قارسى قانداي شارالار قابىلداناتىنىن ايتتى.

بۇگىن ٴماجىلىس كۋلۋارىندا جۋرناليستەر ەلىمىزدە ازىق-تۇلىك باعاسى كۇرت ٴوسىپ كەتكەنىن ايتىپ، وسىعان قاتىستى مينيستردەن تۇسىنىكتەمە بەرۋدى سۇرادى. دەگەنمەن، ۆەدومستۆو باسشىسى ٴقازىر جەمىس-جيدەك، كوكونىس، ونەركاسىپ ونىمدەرى، قىزمەتتەر، جالپى 500-دەن استام تاۋار بويىنشا جاعداي تۇراقتى ەكەنىن ايتتى.

«ٴقازىر ۇكىمەت پرەزيدەنتتىڭ تاپسىرماسىنا سايكەس تاريفتەردى تومەندەتۋ بويىنشا جۇمىس اتقارىپ جاتىر. ٴبىز 5-7 پايىز (ينفلياسيا-اۆتور ەسكەرتپەسى) شەگىندە بولامىز دەپ ويلايمىن. مەنىڭ ويىمشا، بۇل (قىمباتشىلىق-اۆتور ەسكەرتپەسى) بولجاۋعا بولاتىن ٴۇردىس. بۇل بەلگىلى بىرەۋلەردىڭ جاساپ وتىرعان ارەكەتى ەمەس. بۇل ٴبىز كۇندە كورىپ جۇرگەن ادامداردىڭ، ياعني ٴبىزدىڭ تۋىستارىمىزدىڭ، وزدەرىنىڭ بيزنەسى، شاعىن دۇكەنى بار، بازاردا جۇمىس جاسايتىن ازاماتتاردىڭ ارەكەتى. بۇنى تۇسىنۋگە بولادى. سەبەبى ٴبىز نارىقتىق ەكونوميكادا ٴومىر ٴسۇرىپ جاتىرمىز. سۇرانىس كوپ بولعاندا، ٴاردايىم باعا وسەدى. مəسەلەن، بۇعان ٴقوناقۇي بولمەلەرىن مىسالعا كەلتىرۋگە بولادى. ولاردا قىستا ٴبىر باعا، جازدا باسقا باعا. بۇل نارىق. بۇعان دايىن بولۋ كەرەك. سوندىقتان، مەملەكەت ادەيىلەپ، قانداي ٴبىر الەۋمەتتىك تاۋارلاردى، مىسالى قياردى جازعى باعامەن ساتقىزا المايدى. ەگەر ٴبىز نارىقتا ٴومىر سۇرگىمىز كەلسە، ٴبىز ونىڭ ارتىقشىلىقتارىن دا، باعانىڭ وسۋىمەن بايلانىستى جاعدايلاردى دا قابىلداۋىمىز كەرەك. قايتالاپ وتكىم كەلەدى، بۇنى مينيسترلىك، ۇكىمەت جاساپ وتىرعان جوق. بۇل نارىق سۋبەكتىلەرىنىڭ، ياعني ٴبىزدىڭ دوستارىمىزدىڭ، ارىپتەستەرىمىزدىڭ، سەرىكتەستەرىمىزدىڭ جانە تاعى باسقالاردىڭ ارەكەتى. بۇل ماۋسىمدىق جاعداي»، - دەدى سۇلەيمەنوۆ ٴماجىلىس كۋلۋارىندا بەرگەن سۇحباتىندا.

ٴمينيستردىڭ ايتۋىنشا، تاۋار باعاسىن تىم قىمباتتاتىپ جىبەرگەن ازاماتتار، باعانىڭ شەگىن بىلمەيتىن ادامدار مونوپولياعا قارسى رەتتەۋ قۇرالدارى ارقىلى جازالانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي