BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىرىڭعاي جيىنتىق تولەم جاساماعاندار زاڭمەن جازالانبايدى - ۆيسە-مينيستر

ٴوزىن-وزى جۇمىسپەن قامتۋشىلار ٴبىرىڭعاي جيىنتىق تولەم جاساماسا جاۋاپكەرشىلىككە تارتىلمايدى. بۇل تۋرالى ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا مالىمدەدى، دەپ حابارلايدى baq.kz ٴتىلشىسى.

بۇگىن ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋىن فورماليزاسيالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى تالقىلاندى.

«بەيرەسمي جۇمىسپەن قامتىلعانداردىڭ قىزمەتىن تىركەۋدى كوزدەيتىن ٴبىرىڭعاي جيىنتىق تولەمدى ەنگىزۋ جوسپارلانىپ وتىر. بجت ەنگىزۋ بەيرەسمي جۇمىسپەن قامتىلعانداردىڭ قىزمەتىن تىركەۋمەن بىرگە، سونىمەن قاتار مەديسينالىق جانە الەۋمەتتىك ساقتاندىرۋ، زەينەتاقى جۇيەلەرىنە قاتىسۋعا مۇمكىندىك بەرەدى»، - دەپ اتاپ ٴوتتى ۆيسە-مينيستر.

جاقىپوۆانىڭ ايتۋىنشا، بجت مولشەرى كەلەسى مولشەردە بەكىتىلەدى: استانادا، رەسپۋبليكالىق ماڭىزى بار جانە وبلىستىق ماڭىزى بار قالالاردا – 1 اەك، باسقا ەلدى مەكەندەردە – 0،5 اەك. ەنگىزۋ مەرزىمى – 5 جىل.

«بجت تابىس الۋ ماقساتىندا قىزمەتتى جۇزەگە اسىراتىن جەكە تۇلعالارعا قولدانىلادى. الايدا ولار مىناداي شارتتاردى ساقتاۋعا ٴتيىس: جالدامالى جۇمىسكەرلەردىڭ ەڭبەگىن پايدالانباۋ; جەكە تۇلعالار ٴۇشىن جۇمىس ىستەۋ جانە قىزمەت كورسەتۋ; جەكە تۇلعالار تۇتىنۋى ٴۇشىن جەكە قوسالقى شارۋاشىلىقتان الىناتىن اۋىل شارۋاشىلىعى ونىمدەرىن ساتۋ; بۇل رەتتە كۇنتىزبەلىك جىل ىشىندەگى شەكتى تابىسى 100 ەسەلەنگەن ەاج (2019 جىلى 2 ملن 969 مىڭ تەڭگەدەن، ال ايىنا 247400 تەڭگەنى قۇرايدى) اسپاۋعا ٴتيىس»، - دەپ ايتتى جاقىپوۆا.

ونىڭ ايتۋىنشا، بجت ساۋدا وبەكتىلەرىن قوسا العاندا كوممەرسيالىق جىلجىمايتىن مۇلىك وبەكتىلەرىنىڭ اۋماعىندا قىزمەت كورسەتەتىن جەكە تۇلعالارعا; تۇرعىن ٴۇيدى قوسپاعاندا مۇملىكتى جالعا بەرەتىن جەكە تۇلعالارعا; جەكە پراكتيكامەن اينالىساتىن ادامدارعا; ورالمانداردى قوسپاعاندا شەتەلدىك جانە ازاماتتىعى جوق ادامدارعا; دارا كاسىپكەر رەتىندە تىركەلگەن ادامدارعا قولدانىلمايدى.

«وسىلايشا جەكە تۇلعالارعا عانا قىزمەت كورسەتەتىن جانە جەكە شارۋاشىلىق ونىمدەرىن جەكە تۇلعالارعا ساتاتىن جەك تۇلعالار بجت-مەن تولەممەن قامتىلادى. جالپى العاندا بجت بەيرەسمي جۇمىسپەن قامتىلعاندارعا مەديسينالىق مەكەمەنى تاڭداۋ قۇقىعى مەن سوماسى شەكتەلمەگەن مەديسينالىق قىزمەتتەرگە قول جەتكىزۋگە، جيناقتاۋشى زەينەتاقى جۇيەسىنە قاتىسۋعا جانە جۇيەگە قاتىسۋ وتىلىنە قاراي بازالىق زەينەتاقى الۋعا، ەڭبەك ەتۋ قابىلەتىنەن، اسىراۋشىسىنان ايىرىلعان جاعدايدا، جۇكتەلىگىنە جانە بوسانعاندا، بالا اسىراپ الۋىنا، ٴبىر جاسقا دەيىنگى بالا كۇتىمىنە بايلانىستى الەۋمەتتىك تولەم الۋعا مۇمكىندىك بەرەدى. بجت-نى 2021 جىلعى 1 جەلتوقسانعا دەيىن ەنگىزۋ جوسپارلانعان»، - دەدى جاقىپوۆا.

«قازاقستاندا 5،5 ملن ادام مارتەبەسى جوق بولىپ شىقتى. ولار جۇمىس جاساپ، جارنالارىن اۋدارماعان، جۇيەلەرگە قاتىسپاعان. جۇمىس ىستەيتىندەردىڭ ساندارى بىزگە بەلگىلى، ستاتيستيكا بويىنشا 441 مىڭ ازامات جۇمىسسىز دەپ سانالادى. ەكى جىلدا جۇرگىزگەن جۇمىس ناتيجەسىندە مارتەبەسى انىقتالماعان 1 ملن 236 مىڭ ازامات قانا قالىپ وتىر. بۇل زاڭ سول ازاماتتارعا ارنالعان. زاڭ تەك قانا ماجىلىسكە ەنگىزىلىپ جاتىر. ماجىلىستەن كەيىن سەنات قابىلداسا پرەزيدەنت قول قويعاندا عانا كۇشىنە ەنەدى. بجت جاساماعان ازاماتتارعا زاڭ بويىنشا ەشقانداي جازا قولدانىلمايدى. ازاماتتار ٴوز ەركىمەن تولەمدەردى جاساسا الەۋمەتتىك كەپىلدىكتەرگە قول جەتكىزە الادى. جالپى ٴبىرىڭعاي جيىنتىق تولەمنىڭ ماقساتى ەڭ بىرىنشىدەن الەۋمەتتىك كەپىلدىكتەرگە قول جەتكىزۋ. ەگەر تولەمەسە ەشقانداي جازا قولدانبايدى. زاڭدا اكىمشىلىك جاۋاپكەرشىلىككە تارتۋ تۋرالى نورما جوق»، - دەپ اتاپ ٴوتتى ەڭبەك جانە حالىقتى الەۋمەتتىك قورعاۋ ۆيسە-مينيسترى.

ەسكە سالا كەتسەك، نۇرسۇلتان نازاربايەۆ ٴوزىن-وزى جۇمىسپەن قامتۋشىلار ٴۇشىن ٴبىرىڭعاي جيىنتىق تولەم ەنگىزۋدى تاپسىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي