BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل مەملەكەت شىعىستارىنىڭ كولەمى 11 ترلن 191 ملرد تەڭگە بولادى – سۇلەيمەنوۆ

2017 جىلى رەسپۋبليكالىق بيۋدجەت شىعىستارىن 11 ترلن 191 ملرد تەڭگە كولەمىندە بەلگىلەۋ ۇسىنىلىپ وتىر. بۇل تۋرالى ۇكىمەت وتىرىسىندا قر ۇلتتىق ەكونوميكا ٴمينيسترى تيمۋر سۇلەيمەنوۆ ايتتى، دەپ حابارلايدى baq.kz ٴتىلشىسى.

جيىندا ۆەدومستۆو باسشىسى 2017 جىلعا ارنالعان نەگىزگى بيۋدجەت پارامەترلەرىنىڭ بولجامىنا توقتالدى.

«تۇزەتىلگەن ماكروەكونوميكالىق بولجامنىڭ نەگىزىندە 2017 جىلعا ارنالعان رەسپۋبليكالىق بيۋدجەت پارامەترلەرىنىڭ بولجامى ناقتىلاندى. رەسپۋبليكالىق بيۋدجەت كىرىستەرى (ترانسفەرتتەردى ەسەپكە الماعاندا) 2017 جىلى 4 952،8 ملرد تەڭگە كولەمىندە باعالانۋدا، بۇل بەكىتىلگەن جوسپارعا قاراعاندا، 60،8 ملرد تەڭگەگە جوعارى. نەگىزگى كورسەتكىش كورپوراتيۆتىك تابىس سالىعى (61،3 ملرد تەڭگەگە)، جەر قويناۋىن پايدالانۋشىلاردان تۇسەتىن تۇسىمدەر (70،1 ملرد تەڭگەگە)، سونداي-اق ايىپپۇلدار، ديۆيدەندتەر جانە مەملەكەتتىك كاسىپورىنداردىڭ تازا كىرىسى سەبىنەن (37،4 ملرد تەڭگەگە) ارتادى دەپ جوسپارلانىپ وتىر»، - دەدى مينيستر.

وسى رەتتە تيمۋر سۇلەيمەنوۆ مەملەكەت قارىزىنىڭ مولشەرىن تۇراقتى ۇستاپ تۇرۋ قاجەتتىگىن اتاپ ٴوتتى. ونىڭ ايتۋىنشا، ۇكىمەت قارىزىنىڭ ٴوسۋىن تەجەۋ جانە ەلدىڭ رەيتينگىن ۇستاپ تۇرۋ ٴۇشىن بيۋدجەت تاپشىلىعىن 47،9 ملرد تەڭگەگە نەمەسە جالپى ىشكى ونىمگە قاتىستى 3،1%-دان 2،9% -عا دەيىن تومەندەتۋ ۇسىنىلعان.

«ۇلتتىق قوردان كەپىلدەندىرىلگەن جانە نىسانالى ترانسفەرتتەر بۇرىن بەكىتىلگەن مولشەردە (2 880 ملرد تەڭگە جانە 1 534،6 ملرد تەڭگە) ساقتالدى»، - دەدى ول.

سونىمەن قاتار مينيستر بيىل 46،9 ملرد تەڭگە جاڭا جوبالارعا بولىنەتىنىن ايتتى.

«2017 جىلعا ارنالعان بيۋدجەتتى ناقتىلاۋ شەڭبەرىندە بۇرىن ۇلتتىق قوردان بولىنگەن 46،9 ملرد تەڭگەنى قايتا بولۋگە جانە قوسىمشا جولداۋعا ۇسىنىلادى: قۇرىق پورتىنداعى پاروم كەشەنىنىڭ ەكىنشى فازاسىنىڭ قۇرىلىسىن اياقتاۋ ٴۇشىن «سامۇرىق-قازىنا» ۇلتتىق ٴال-اۋقات قورى» اكسيونەرلىك قوعامىنىڭ جارعىلىق كاپيتالىن ۇلعايتۋعا 16،9 ملرد. تەڭگە; ليزينگتىك قارجىلاندىرۋدى قامتاماسىز ەتۋ ٴۇشىن «بايتەرەك» ۇلتتىق باسقارۋشى حولدينگى» اكسيونەرلىك قوعامىنىڭ جارعىلىق كاپيتالىن ۇلعايتۋعا 30 ملرد تەڭگە»، - دەدى ول.

ٴسوز سوڭىندا ۆەدومستۆو باسشىسى اعىمداعى جىلى بيۋدجەت شىعىستارى قانشا بولاتىنىن تىلگە تيەك ەتتى. رەسپۋبليكالىق بيۋدجەت شىعىستارىن 2017 جىلى 15،1 ملرد تەڭگەگە ۇلعايتۋ قاراستىرىلىپتى.

«جالپى رەسپۋبليكالىق بيۋدجەت شىعىستارىن 11 191،5 ملرد تەڭگە كولەمىندە بەلگىلەۋ ۇسىنىلادى»، - دەپ تۇيىندەدى ٴسوزىن تيمۋر سۇلەيمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي