BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

بيىل 37 مىڭعا جۋىق وتباسى ٴتۇقجب ارقىلى باسپانا الدى

فوتو: Автор

الماتى، baq.kz ٴتىلشىسى. تۇرعىن ٴۇي قۇرىلىس جيناق بانكى ۇزاقمەرزىمدى سالىمدار نارىعىندا ٴبىرىنشى ورىندا تۇر. تەك بيىلدىڭ وزىندە 368 530 وتانداسىمىز جاڭا دەپوزيت رەسىمدەپ، بانك رەكوردتىق كورسەتكىشكە قول جەتكىزدى. بۇل تۋرالى ٴتۇقجب باسقارما ٴتورايىمى ٴلاززات يبراگيموۆا الماتىدا وتكەن بريفينگ كەزىندە ايتتى.

ونىڭ سوزىنە قاراعاندا، 2018 جىل بانك ٴۇشىن قونىس تويىن تويلاۋ جىلى بولعان.

«بيىل 37 مىڭعا جۋىق وتباسى قونىس تويىن تويلادى. ولاردىڭ 42%-ى باستاپقى نارىقتان جاڭا ٴۇي ساتىپ السا، 52%-ى قايتالاما نارىقتاعى قولدانىستا بولعان تۇرعىن ۇيلەردى العان. بۇل كورسەتكىش ٴبىزدىڭ بانك ٴۇشىن رەكوردتىق سان جانە وتكەن جىلمەن سالىستىرعاندا ايتارلىقتاي جوعارى كورسەتكىش. 2017 جىلى 28 673 زاەم بەرىلگەن بولاتىن»، -دەيدى ل.يبراگيموۆا.

سونداي-اق ول، بيىل رەسىمدەلگەن نەسيە سانى بويىنشا استانا قالاسى ٴبىرىنشى ورىندا تۇرعانىن جەتكىزدى.

«ەلوردادا 7739 وتباسى قونىس تويىن تويلادى. الماتى قالاسىندا 5786 وتباسى باسپانالى بولعان. سونداي-اق، ۇشتىككە اقتوبە وبلىسى كىرەدى، وندا 3696 نەسيە رەسىمدەلگەن. بۇدان بولەك پاۆلودار، قاراعاندى جانە شىعىس قازاقستان وبلىستارى دا جاقسى جۇمىس ىستەدى. زاەمداردىڭ ورتاشا سوماسى 10 ملن تەڭگەنى قۇرادى. بۇل قولجەتىمدى تۇرعىن ٴۇي نەسيەلەرىنىڭ جۇمىس ىستەيتىن ٴار وتانداسىمىز ٴۇشىن قولجەتىمدى ەكەنىن كورسەتەدى»، -دەدى ول.

جالپى بانك جۇمىسىن باستاعاننان بەرى 70 مىڭ قازاقستاندىقتىڭ باسپانالى بولۋىنا كومەكتەسكەن. ەگەر ٴبىر وتباسىدا 4-5 ادامنان دەپ ەسەپتەسەك بۇل 600-800 مىڭ ادامدى باسپانامەن قامتاماسىز ەتۋ دەگەن ٴسوز.

جيىن بارىسىندا باسقارما ٴتورايىمى 50 مىڭ تەڭگە جالاقى الاتىن قازاقستاندىقتاردىڭ دا باسپانالى بولۋ مۇمكىندىگى بار ەكەندىگىن ايتىپ ٴوتتى.

«كليەنتتەر ٴار ٴتۇرلى بولادى، ٴقازىر تۇرعىن ٴۇي قۇرىلىس جيناق بانكىندە 119 مىڭ نەسيە بار. ولاردىڭ 27 مىڭىنىڭ تابىسى 50-100 مىڭ تەڭگە ارالىعىندا. 19 مىڭىنىڭ جالاقىسى 100-140 مىڭ تەڭگە اينالاسىندا. سونداي-اق 13 مىڭ كليەنت 50 مىڭ تەڭگە تابىسپەن زاەم رەسىمدەپ، پاتەر يەسى اتانا ٴبىلدى. بۇل كليەنتتىڭ تولەم قابىلەتتىلىگىن باعالاۋداعى بانكتىڭ قولداناتىن ەرەكشە ادىسىنە بايلانىستى بولىپ وتىر. كليەنت كەلىسىم-شارتتاعى بارلىق شارتتى ورىنداسا جانە اي سايىن قۇيىپ وتىرىپ، جوق دەگەندە 3 جىل ٴبىزدىڭ بانكتە اقشا جيناعان بولسا، بانك سەنىم قاعيداسى بويىنشا وعان نەسيە بەرۋگە كەلىسەدى»، -دەيدى ول.

ونىڭ ايتۋىنشا، بيىلعى جىل اسكەري قىزمەتشىلەرگە ارنالعان ارنايى باعدارلامانى جۇزەگە اسىرۋمەن باستالعان.

«بيىل 70 مىڭنان اسا اسكەري قىزمەتكەردىڭ اتىنا شوت اشىلدى. وسى جىلى قولعا الىنعان «اسكەري باعدارلامانىڭ» كومەگىمەن وسى ۋاقىتقا دەيىن 1900 اسكەري قىزمەتكەر باسپانا كىلتىن الىپ ۇلگەردى»، -دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي