BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استراحاندا «قازاقستاندا جاسالعان» كورمەسى ٴوز جۇمىسىن باستادى

بۇگىن رەسەيلىك استراحان قالاسىندا «قازاقستاندا جاسالعان» اتتى ەكى كۇندىك ساۋدا-ونەركاسىپ كورمەسى ٴوز جۇمىسىن باستادى. ٴىس-شارانى رەسەي فەدەراسياسىنداعى قازاقستان رەسپۋبليكاسىنىڭ ەلشىلىگى، استراحانداعى قر كونسۋلدىگى قازاقستاننىڭ سىرتقى ساۋدا پالاتاسىمەن بىرلەسىپ ۇيىمداستىرىپ وتىر، دەپ حابارلايدى baq.kz اقپارات اگەنتتىگى سسپ ٴباسپاسوز قىزمەتىنە سىلتەمە جاساپ.

ٴىس-شاراعا اقتوبە، اتىراۋ، باتىس قازاقستان، قىزىلوردا جانە ماڭعىستاۋ وبلىستارىنان ەل ەكونوميكاسىنىڭ نەگىزگى ماشينا جاساۋ، قۇرىلىس، حيميا، فارماسەۆتيكا، جەڭىل ونەركاسىپ جانە اگرو-ازىق-تۇلىك كەشەنى سالالارىمەن اينالىساتىن 50-دەن استام قازاقستاندىق كاسىپورىندار قاتىسپاق.

كورمەنىڭ ىسكەرلىك باعدارلاماسىنا «قازاقستانداعى بيزنەستى جۇرگىزۋ باسىمدىقتارىنىڭ تانىستىرىلىمى» تاقىرىبىنا بيزنەس-سەمينار جانە ۆ2ۆ فورماتىنداعى كەلىسسوزدەر كىرەدى.

بۇل ٴىس-شارا قازاقستان رەسپۋبليكاسى مەن رەسەي فەدەراسياسى كاسىپكەرلەرىنىڭ اراسىنداعى ىسكەرلىك قارىم-قاتىناستاردى جولعا قويۋدىڭ جالعاسى بولىپ تابىلادى جانە ەكى ەلدىڭ ەكونوميكالارىنىڭ ٴوسۋى مەن باسەكەگە قابىلەتتىگىن قامتاماسىز ەتۋ ماقساتىندا بيلىك پەن بيزنەستىڭ سىندارلى ٴوزارا ٴىس-قيمىلىنىڭ ماسەلەلەرىن شەشۋگە قىزمەت ەتەدى.

ٴىس-شارانىڭ وتكىزىلەتىن ورنى: استراحان ق.، نيكولاي وستروۆسكيي كوشەسى، ٴ147-ۇي، «زۆەزدنىي» سپورتتىق-ويىن-ساۋىق كەشەنى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي