BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىشەۆ ازەربايجان بانكىنە قاتىستى شىققان داۋعا جاۋاپ بەردى

استانا. baq.kz ٴتىلشىسى. ۇلتتىق بانك ٴتوراعاسى دانيار اقىشەۆ ٴبىرىڭعاي جيناقتاۋشى زەينەتاقى قورىنان الىنىپ، ازەربايجان حالىقارالىق بانكىنە سالىنعان 250 ملن دوللارعا قاتىستى شىققان داۋعا پىكىر ٴبىلدىردى.

دانيار اقىشەۆ بۇگىنگى تاڭدا اتالعان ماسەلەگە بجزق-نىڭ قاتىسى جوق ەكەنىن ايتتى.

«مەن ويىمشا، سىزدەر جانجال تۋىنداعانىن قالايتىن سياقتىسىزدار. قازىرگى تاڭدا بجزق (ٴبىرىڭعاي جيناقتاۋشى زەينەتاقى قورى) اتالعان بانكتىڭ ينۆەستورى بولىپ سانالمايدى. اتالمىش بانكتىڭ قاعازدارى ازەربايجاننىڭ مەملەكەتتىك باعالى قاعازدارىنا اۋىستىرىلدى. ياعني ٴبىز ازەربايجاننىڭ ينۆەستورى بولىپ سانالامىز. سوندىقتان بۇگىندە بجزق-نىڭ اتالعان بانككە (ازەربايجان حالىقارالىق بانكىنە – اۆتور) ەش قاتىسى جوق»، - دەدى ۇلتتىق بانك ٴتوراعاسى ٴماجىلىس وتىرىسىنان شىققان سوڭ جۋرناليستەرگە.

ەستەرىڭىزگە سالا كەتەيىك، وسىدان 3 جىل بۇرىن بجزق-نىڭ توپ مەنەدجەرلەرى ٴازىربايجان حالىقارالىق بانكىنە 71،3 ملرد تەڭگە نەمەسە 250 ملن دوللار كولەمىندە ينۆەستيسيا سالعان. كەيىن ازەربايجاننىڭ ۇلتتىق ۆاليۋتاسىنىڭ دەۆالۆاسياسى مەن مۇناي باعاسىنىڭ قۇلدىراۋى سالدارىنان اتالعان قارجىنى قايتارۋ بويىنشا پروبلەما تۋىنداعان. وسىعان دەيىن بۇرىنعى قارجى ٴمينيسترى باقىت سۇلتانوۆ قوس مەملەكەت اراسىندا كەلىسسوزدەر جۇرگىزىلگەنىن ايتىپ، 250 ملن دوللاردىڭ ەلىمىزگە قالاي قايتارىلاتىنىن تۇسىندىرگەن. ال 2017 جىلدىڭ تامىزىندا بجزق ٴتوراعاسى كەلىسسوزدەر بارىسىندا اتالعان بانككە سالىنعان قاراجات ازەربايجاننىڭ باعالى قاعازدارىنا اۋىستىرىلعانىن حابارلاعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي