BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

احقو ورتالىق جانە شىعىس ەۋروپا ەلدەرى بانكتىك قاداعالاۋ ورگاندارى توبىنا كىردى

استانا، baq.kz. ابۋ دابي قالاسىندا بانكتىك قاداعالاۋ جونىندەگى بازەل كوميتەتىنىڭ حالىقارالىق كونفەرەنسياسى ٴوتىپ جاتىر. جيىندا احقو قارجى قىزمەتتەرىن رەتتەۋ جونىندەگى كوميتەتى بانكتىك قاداعالاۋ جونىندەگى بازەل كوميتەتى ايماقتىق توبىنىڭ ورتالىق جانە شىعىس ەۋروپا ەلدەرى بانكتىك قاداعالاۋ ورگاندارى توبىنا (bscee) كىردى.

احقو كوميتەتى bscee-گە مۇشەلىككە كىرە وتىرىپ، «استانا» حالىقارالىق قارجى ورتالىعىنىڭ بانكتىك قىزمەتتەر نارىعىن رەتتەۋ جانە قاداعالاۋ سالاسىن بازەل كوميتەتى ستاندارتتارىنا سايكەس كەلتىرۋگە سەپتىگىن تيگىزەدى.

bscee مۇشەلەرى اراسىنداعى ٴوزارا ىنتىماقتاستىقتىڭ نىعايۋىنا بازەل ستاندارتتارى مەن نەگىزگى قاعيدالارىن جۇزەگە اسىرۋ ماقساتىندا ىقپال جاساپ، بانكتىك قاداعالاۋ سالاسىندا اقپارات پەن تاجىريبە الماسۋعا مۇمكىندىكتەر ۇسىنادى. سونىمەن قاتار، توپ تەحنيكالىق سيپاتتاماعا قاتىستى ماسەلەلەردى تالقىلاۋ ٴۇشىن جوعارى دەڭگەيدەگى الاڭ بولىپ، زەرتتەۋ، وقىتۋ جانە ٴبىلىم بەرۋ باعدارلامالارىن جۇزەگە اسىرادى.

bscee-كە مۇشەلىككە كىرۋ احقو-دا بانكتىك قىزمەتتەردىڭ سەنىمدى نارىعىن قالىپتاستىرۋدا ۇلكەن ماڭىزعا يە ەكەنى ٴسوزسىز. بانك سالاسى احقو-نىڭ ايماقتىق قارجى حابىنا اينالۋ جولىندا ۇلكەن ٴرول اتقارادى. سونىمەن قاتار، بانك سەكتورى ەكونوميكالىق ٴوسىمدى ىنتالاندىرۋدا جانە دامۋ ماقساتىندا كاپيتال اعىمىن قامتاماسىز ەتۋدە، قارجى رەسۋرستارىن تارتۋدا وتە ماڭىزدى.

«ٴبىز bscee قۇرامىنا كىرگەنىمىزگە ريزامىز. احقو كوميتەتىنىڭ bscee قاۋىمداستىعىنا مۇشەلىگى احقو-نىڭ دامۋ تاريحىندا ۇلكەن ماڭىز بەرەدى. بانك سەكتورى احقو-نىڭ جوعارى دەڭگەيدەگى باسىمدىلىقتارىنىڭ ٴبىرى رەتىندە قاراستىرىلادى، ال bscee مۇشەلەرىمەن ارىپتەستىكتى باستاۋ احقو-نىڭ قارجى حابى رەتىندە قالىپتاسۋىنا ٴوز سەپتىگىن تيگىزەدى»، - دەدى احقو كوميتەتى باس ديرەكتورىنىڭ مىندەتىن اتقارۋشى مۇحتار بوبەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي