BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆەتناممەن كەدەن وداعى اراسىنداعى ىنتىماقتاستىق كەڭەييۋدە

استانا. 27 قازان. baq.kz – قازىرگى كەزدە ەەك كەدەن وداعى تاراپتارىمەن بىرلەسىپ كو پەن ۆەتنام سوسياليستىك رەسپۋبليكاسى فورماتىنداعى ەركىن ساۋدا ايماعىن قۇرۋ تۋرالى كەلىسىم جاساۋ بويىنشا ٴبىرقاتار جۇمىس جۇرگىزۋدە. ەركىن ساۋدا ايماعىن قۇرۋ ونەركاسىپتىك جانە اۋىل شارۋاشىلىق تاۋارلارى ٴۇشىن كەدەن تاريفتەرىن كەزەڭ-كەزەڭمەن جويۋدى، ياعني سىرتقى ەكونوميكالىق قىزمەت اياسىندا ساۋدانى ىرىقتاندىرۋدى قاراستىرادى. سونىمەن قاتار، تاراپتار اراسىنداعى ٴوزارا ىنتىماقتىڭ جاراسىم تابۋىنان ەۋرازيالىق ەكونوميكالىق وداق اياسىنداعى ەلدەر اراسىندا دا تاۋاراينالىمى قارقىن الا تۇسەتىنى ٴسوزسىز، - دەپ حابارلايدى ۇلتتىق كاسىپكەرلەر پالاتاسىنىڭ ٴباسپاسوز قىزمەتى.

وسىلايشا، وتاندىق كاسىپورىنداردىڭ ەكسپورتتىق/يمپورتتىق الەۋەتىن انىقتاۋ، سونداي-اق تاۋارعا «شىققان جەرى» مارتەبەسىن بەرۋ ٴۇشىن ورىندالۋى قاجەت تاۋارلاردىڭ شىعۋ تەگى ولشەمدەرىن ازىرلەۋ ماقساتىندا (ۆەتناممەن ەركىن ساۋدا تۋرالى كەلىسىم اياسىندا (بۇدان ٴارى – ەسا) وتاندىق تاۋاردىڭ تاريفتىك ارتىقشىلىقتار الۋى ٴۇشىن جانە ٴدال وسىلاي ۆەتنام تاۋارلارىنا قاتىستى) قاراشا ايىنىعى العاشقى جەتىسىندە ۇكپ الاڭىندا اتالمىش ماسەلەلەرگە تۇسىنىك بەرۋ ماقساتىندا سەمينار وتكىزىلۋ جوسپارلانۋدا.
ٴىس-شاراعا ەۋرازيالىق ەكونوميكالىق كوميسسيانىڭ، ۇلتتىق ەكونوميكا مينيسترلىگىنىڭ، قارجى مينيسترلىگى كەدەندىك باقىلاۋ كوميتەتىنىڭ، ينۆەستيسيالار جانە دامۋ مينيسترلىگىنىڭ، سونداي-اق قر اۋىل شارۋاشىلىق مينيسترلىگىنىڭ وكىلدەرى قاتىسادى كۇتىلۋدە.
سەمينار بارىسىندا مىنا ماسەلەلەردى تالقىلاۋ جوسپارلانۋدا: - وتاندىق وندىرۋشىلەردىڭ ەكسپورتتىق مۇددەلىلىگى; - ەركىن ساۋدا رەجيمىن قولدانۋمەن تاۋارلار ساۋداسى; - ەسا اياسىندا سەرىكتەستەردىڭ ٴوزارا مۇددەلەرىنىڭ قاناعاتتاندىرىلۋى; - سەرىكتەس ەل نارىعىنا تاۋارلاردى باجسىز ەنگىزۋدەگى نەگىزگى قۇرال رەتىندە تاۋارلاردىڭ شىعۋ تەگىن انىقتاۋ ەرەجەلەرى; - قازاقستان وندىرۋشىلەرى ٴۇشىن پروبلەمالى ۆەتناممەن ەسا اياسىندا ازىرلەنەتىن تاۋارلاردىڭ شىعۋ تەگى ولشەمدەرىن تالقىلاۋ بولىپ وتىر.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي