BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ۇشتىك» وداق ىشكى نارىقتى كەڭەيتە مە؟

استانا. 5 ماۋسىم. baq.kz – ەۋرازيالىق ەكونوميكالىق وداققا مۇشە ٴۇش مەملەكەتتىڭ كاسىپكەرلەرى مەملەكەتتىك ساتىپ الۋلار جۇيەسىنە تەڭ دارەجەدە قول جەتكىزەدى.

ال وداقتىڭ ٴوزى ىشكى نارىقتىڭ كەڭەيۋىنە ىقپال ەتەدى. بۇل تۋرالى قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا ايتىلدى.
«ٴۇش ەلدىڭ كاسىپكەرلەرى مەم­لەكەتتىك ساتىپ الۋلار جۇيەسىنە تەڭ، باسەكەگە قابىلەتتى دەڭگەيدە قول جەتكىزەتىنىن اتاپ ٴوتۋ كەرەك. بۇل – تاۋارلار مەن قىزمەتتەردى جەتكىزۋدىڭ ۇلكەن نارىعى. بە­لارۋس پەن رەسەيدىڭ مەملەكەتتىك ساتىپ الۋلارى 2013 جىلى 198 ملرد دوللار شاماسىندا بولدى، – دەگەن سەنات دەپۋتاتى اقان بيجانوۆ ىنتىماقتاستىقتىڭ تاعى ٴبىر ۇلكەن باعىتتارى – مۇناي مەن مۇناي ونىمدەرى، گاز، ەلەكتر ەنەرگياسى، دارى-دارمەك پەن مە­ديسينالىق بۇيىمدار نارىعى بولاتىنىن ايتادى. دەپۋتات وسى وداقتىڭ اياسىندا بەلارۋس، رەسەي مەملەكەتتەرىمەن تاۋار اينالىمى الدەنەشە ەسە وسەدى دەپ بولجاپ وتىر. ول بۇل بولجامىنا 2013 جىلى ەكى ەلمەن اراداعى تاۋار اينالىمى كولە­ٴمىنىڭ 24 ملرد دوللاردان اسقانىن مىسالعا كەلتىردى.

«ٴبىز، سونداي-اق ٴوزىمىزدىڭ باتىس پەن شىعىس اراسىن جال­عايتىن گەوستراتەگيالىق جاع­دايىمىزدى رەسپۋبليكالاردىڭ ترانزيتتىك الەۋەتىن ىسكە اسىرۋ ماقساتىندا پايدالانا الامىز، ول جىل سايىن ميللياردتاعان دول­لارعا باعالانادى» دەيدى ا.بي­جانوۆ.
سەناتور ەۋرازيالىق ەكونو­مي­كالىق وداقتى قۇرۋ ىشكى نا­رىقتىڭ سىيىمدىلىعىن كەڭەي­تەدى دەگەندى باسا ايتتى. «ۇشتىك­ٴتىڭ» ورتاق نارىعىنىڭ كولەمى 2،5 ترلن دوللاردان اساتىنىن، ادام رەسۋرسىنىڭ 170 ميلليونعا جەتىپ جىعىلعانىن ەسكە سالدى. ونىڭ دەرەگىنشە، بۇل وداقتىڭ وندىرىستىك الەۋەتى 600 ملرد دوللاردى قۇ­رايدى. وسىنىڭ ٴبارى ىشكى نارىق سىيىم­دىلىعىن كەڭەيتەدى دەگەن بولجام جاساۋعا نەگىز بولىپ وتىرعان سىڭايلى. ونىڭ ۇستىنە، ىشكى ەكونوميكالىق شەكتەۋلەردى الىپ تاستاۋ، ٴبىرىڭعاي تاريفتىك ساياسات ەنگىزۋ سىندى شارالار وتاندىق وندىرۋشىلەردىڭ ساتۋ نا­رىعىن كەڭەيتەدى دەپ سانايدى.
ارينە، مۇنىڭ بارلىعى ازىرگە بولجام عانا. بولجامنىڭ دۇرىس-بۇرىستىعىن ۋاقىت ەنشىسىنە قال­دىرامىز.
قازاقستان ەۋرازيالىق ەكونو­ميكالىق وداق اياسىندا زەينەتاقى زاڭناماسىن وزگەرتپەيدى. بۇل تۋرالى جۋرناليستەر سۇراعىنا جاۋاپ بەرگەن سەنات دەپۋتاتى ۆلاديمير بوبروۆ مالىمدەدى. «ەاەو ساياسي وداق ەمەس. سول سەبەپتى، ٴبىزدىڭ ەلدەرىمىزدىڭ اۋ­ماعىندا ساياسات بولمايدى. سوندىقتان الەۋمەتتىك قورعاۋ ٴار مەملەكەتتىڭ ٴوز باسىمدىعى بولىپ قالا بەرەدى جانە ٴبىز زەينەتاقى زاڭناماسىن وزگەرتپەيمىز» دەدى. ارىپتەسىنىڭ ٴسوزىن جالعاي تۇسكەن ا.بيجانوۆ تا وداق اياسىندا قىزمەتتەر مەن جۇمىس ورىندارى نارىعىندا ەركىندىك اشىلعانى­مەن، ٴار مەملەكەتتەگى زەينەتاقى بۇرىنعى قالپىندا قالا بەرەتىنىن جەتكىزدى.
«ەاەو قۇرىلعاننان كەيىن قاندايدا ٴبىر ازامات باسقا مەم­لەكەتكە، ماسەلەن، بالاسىنا باراتىن بولسا نەمەسە بىزگە كەلىپ تۇراتىن بولسا، وندا زەينەتاقى سول قالپىندا قالا بەرەدى. ياعني قا­زاقستانعا كەلسە نە رەسەيگە بارسا، بۇرىنعى العان زەينەتا­قىسىن الادى. بۇل تۇرعىدا رەسەي، بەلارۋس نەمەسە قازاقستان تارا­پىنان ەشقانداي كەدەرگى، شەكتەۋ بول­ماۋى ٴتيىس» دەدى ا.بيجانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي