BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلى جىبەك جولىنىڭ قايتا جاڭعىرۋىندا ەاەو ۇلەسى زور – م. مۇقانوۆ

استانا. 17 قازان. baq.kz – بۇگىن ورتالىق كوممۋنيكاسيالار الاڭىندا وتكەن ٴباسپاسوز ٴماسليحاتىندا بريفينگتە ەكونوميكالىق زەرتتەۋلەر ينستيتۋتىنىڭ باسقارما ٴتوراعاسى ماقسات مۇقانوۆ ۇلى جىبەك جولىنىڭ قايتا جاڭعىرۋىندا ەاەو-تىڭ ۇلەسى زور بولاتىندىعىن اتاپ ٴوتتى، - دەپ حابارلايدى baq.kz ٴتىلشىسى.

- كۇنى كەشە عانا بۋرابايدا وتەن تمد مەملەكەت باسشىلارىنىڭ باسقوسۋىنىڭ سوڭى ەاەو ەلدەرى پرەزيدەنتتەرىنىڭ ٴبىرقاتار ماسەلەلەردى تالقىلاۋىمەن جالعاسىن تاپقان بولاتىن. ول جەردە اتالعان ۇيىم اياسىندا ۇلى جىبەك جولىنىڭ قايتا جاڭعىرتىلۋىنا قاتىستى وزەكتى ماسەلەلەر تالقىلاندى. اتاپ ايتقاندا، جىبەك جولى ەكونوميكالىق بەلدەۋى بويىنشا ەاەو-عا مۇشە مەملەكەتتەر قىزمەتىن ۇيلەستىرۋ مەن نەگىزگى ەكونوميكالىق دامۋ باعىتتارىن ناقتى تۇسىندىرەتىن قۇجاتتارعا دا قول قويىلدى. مىنە، بۇل بولاشاقتا ۇلى جىبەك جولىنىڭ قايتا جاڭعىرتىلۋىندا ەرەكشە ماڭىزعا يە قۇجات بولاتىندىعى ٴسوزسىز، - دەيدى ماقسات نۇرداۋلەت ۇلى.

ەستەرىڭىزگە سالا كەتەيىك، كەشە بۋراباي باۋرايىندا وتكەن جوعارعى ەۋرازيالىق ەكونوميكالىق كەڭەس قورىتىندىسى بويىنشا قازاقستان پرەزيدەنتى نۇرسۇلتان نازاربايەۆ، ارمەنيا باسشىسى سەرج سارگاسيان، بەلارۋس پرەزيدەنتى الەكساندر لۋكاشەنكو، قىرعىز پرەزيدەنتى المازبەك اتامبايەۆ پەن رەسەي باسشىسى ۆلاديمير پۋتين ەۋرازيالىق ەكونوميكالىق وداقتىڭ حالىقارالىق قىزمەتىن انىقتايتىن 15 قۇجاتقا قول قويعان بولاتىن.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي