BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت ەەو اياسىندا اگرارشىلارعا قولداۋ كورسەتۋ شارالارىن قاراستىرۋدا

استانا. 7 قاراشا. baq.kz - ۇكىمەت ەۋرازيالىق ەكونوميكالىق وداق اياسىندا پروتەكسيا كورسەتۋ ساياساتىنىڭ ىقتيمال شارالارىن ەسكەرۋدە جانە ونىڭ جولدارىن قاراستىرۋدا. بۇل تۋرالى ۇكىمەت باسشىسىنىڭ ورىنباسارى گۇلشارا ٴابدىحالىقوۆا جامبىل وبلىسىنا جۇمىس ساپارىنىڭ بارىسىندا ٴمالىم ەتتى.

- قازاقستاننىڭ ەۋرازيالىق ەكونوميكالىق وداققا كىرۋى اياسىندا وتاندىق اگروكەشەن ٴونىمى رەسەي جانە بەلارۋس وندىرىستەرىمەن سالىستىرعاندا، ەڭ الدىمەن باعا جاعىنان، باسەكەلەستىككە قابىلەتسىز بولۋى مۇمكىن دەگەن تاۋەكەل بار. ۇكىمەت سوندىقتان پروتەكسيالىق ساياساتتى ەسكەرۋدە جانە ىقتيمال شارالاردى قاراستىرۋدا، - دەدى گ.ٴابدىحالىقوۆا ٴوز سوزىندە.

ۆيسە-پرەمەردىڭ ايتۋىنشا، جاڭا ۇردىستەردىڭ ناتيجەسىندە جەرگىلىكتى اگروونەركاسىپتىك كاسىپورىنداردىڭ نارىقتاعى ۇلەسى قىسقارۋى، سونىڭ ناتيجەسىندە ٴوندىرىس كولەمى ازايۋى ىقتيمال. سوندىقتان دا، وسى سالادا باسەكەگە قابىلەتتى بولۋ ٴۇشىن تەحنولوگيالاردى جانە كادر دايىنداۋ پروسەسىن جەتىلدىرۋ كەرەك.

- جامبىل وبلىسىندا اۋىل شارۋاشىلىعان جۇمىسپەن قامتىلعانداردىڭ سانى 7 پايىزعا تومەندەپ وتىر. سالىستىرار بولساق، 2013 جىلدىڭ ٴىى توقسانىندا سالادا جۇمىسپەن قامتىلعانداردىڭ سانى 198،6 مىڭ ادام بولسا، 2014 جىلدىڭ سايكەس كەزەڭىندە - 184،6 مىڭ ادام، دەپ اتاپ كورسەتتى گ.ٴابدىحالىقوۆا ٴوز سوزىندە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي