BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سقو وندىرۋشىلەرى ەەو اياسىندا جۇمىس ىستەۋگە دايىن

استانا. 21 مامىر. baq.kz – سولتۇستىكقازاقستاندىق تاماق وندىرۋشىلەر ەۋرازيالىق ەكونوميكالىق وداق اياسىندا جۇمىس ىستەۋگە دايىن. وڭىردە شۇجىق دايىندايتىن 15 كاسىپورىن بار. كاسىپكەرلەر ەكونوميكالىق ينتەگراسيا قۇرۋ ۇدەرىستەرىن قولداپ قانا قويماي، ٴوز يگىلىكتەرىنە اسىرۋدى جوسپارلاپ وتىر. ولاردىڭ ايتۋىنشا، بۇل وڭىردەگى تاماق ونەركاسىبىنە تىڭ سەرپىن بەرىپ، ٴونىمنىڭ ساپاسىنا دا وڭ ىقپال ەتپەك.  

بۇل سولتۇستىك قازاقستانداعى شيكىلەي قاقتالعان شۇجىق دايىندايتىن جالعىز كاسىپورىن. مۇندا وسى ٴونىمنىڭ 100-گە جۋىق ٴتۇرى شىعارىلادى. وتاندىق نارىقتى تولىق قامتاماسىز ەتىپ وتىرعان ٴوندىرىس وشاعى ەندى وداقتاس ەلدەرگە شىعۋدى جوسپارلاپ وتىر.

سۆەتلانا كيريلكينا، تەحنولوگ:
- رەسەي، بەلارۋس نارىعىنا شىقساق، باسقالارىنان كەم تۇسپەيمىز. ويتكەنى، شۇجىقتار اۆستريالىق تەحنولوگيا بويىنشا دايىندالعان. ياعني، حالىقارالىق تالاپتارعا تولىق جاۋاپ بەرەدى.

كاسىپورىن شيكىزاتتى وبلىس بويىنشا ساتىپ الادى. جىلقى، سيىر، شوشقا، تاۋىق ەتتەرى سوڭعى ۇلگىدەگى زاماناۋي قۇرال-جابدىقتاردا وڭدەلىپ، ساۋدا سورەلەرىنە جول تارتادى. تىڭ ادىسپەن دايىندالعان ٴونىم قۇرامى جاعىنان قۇنارلى سانالادى.

ۆيكتور شاروۆ، كاسىپكەر:
- كەدەندىك وداق ارقىلى كورشى رەسەي ەلىمەن قاتىناس ورنادى. سونىڭ اياسىندا سۆەرلاۆسك وبلىسىنا شىعۋدى جوسپارلاپ وتىرمىز. ەڭ باستىسى، سۇرانىس بار. بۇل ٴبىزدىڭ ٴونىمنىڭ ساپاسىن بايقاتادى.

بۇگىندە، مۇندا 50 ادام ەڭبەك ەتەدى. ەۋرازيالىق ەكونوميكالىق وداق ارقىلى كاسىبىن كەڭەيتۋدى ماقسات ەتكەن كاسىپورىن تاعى بىرنەشە جۇمىس ورنىن اشۋدى كوزدەپ وتىر. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي