BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سىرىم ٴابدىراحمانوۆ: قازاقستاننىڭ ەەو-عا كىرۋى تەك ەكونوميكالىق شەڭبەردە عانا جۇزەگە اسادى

استانا. 30 ٴساۋىر. baq.kz – ەلباسى نۇرسۇلتان نازاربايەۆتىڭ ل.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندەگى قازاقستاننىڭ ەۋرازيا وداعىنا كىرۋىنە بايلانىستى لەكسياسىمەن مۇقيات تانىسقان بلوگەر سىرىم ٴابدىراحمانوۆ قازاقستاننىڭ ەۋرازيا وداعىنا كىرۋ ارەكەتى تەك ەكونوميكالىق شەڭبەردە عانا جۇزەگە اساتىندىعىن ايتاپ وتىر.

 

- مەنى وزدەرىڭىز بىلەتىندەي، داتتان دا، ماداقتان دا اۋلاق جۇرەتىن اداممىن. سوڭعى كەزدە قوعامدا كوتەرىلىپ جۇرگەن وداققا كىرۋ كەڭەس داۋىرىنە قايتا بەت بۇرىس الۋ پىكىرىنىڭ ەلباسىنىڭ ستراتەگيالىق باعىتىنا ساي كەلمەيتىنىنە تولىققاندى كوزىم جەتتى. ونىڭ ۇستىنە، رەسەيدىڭ تورىندە وتىرىپ، قازاقستاننىڭ ەۋرازيا وداعىنا كىرۋ ارەكەتىنىڭ تەك ەكونوميكالىق شەڭبەردە عانا جۇزەگە اساتىنىن ايتقانى مەنىڭ ازاماتتىق كوزقاراسىمدى تاعى ٴبىر راستادى. بۇعان دالەل رەتىندە، بىرىنشىدەن، پرەزيدەنتتىڭ ۋكراينادا ورىن العان جاعدايعا دەيىن بۇل يدەيانى جاريالاعانىنا 15 جىلدان استى. ينتەگراسياعا كەلىسكەن ٴار مەملەكەت ٴۇشىن ەڭ باستى شارت - قاي ەلگە بولماسىن، تاۋەلسىزدىك پەن ساياسي ەگەمەندىككە نۇقسان كەلتىرمەۋ. سوندىقتان، رەينكارناسيا تاقىرىبى كۇن تارتىبىنەن ٴتۇسىپ قالۋى حاق. ەكىنشىدەن، ەكونوميكالىق تۇرعىدا قازاقستان تەك تابيعي بايلىعىمەن عانا ەمەس، سونىمەن بىرگە، يندۋستريالدىق-يننوۆاسيالىق جوبالار مەن كىشى بيزنەستىڭ تاۋارلارىنا، جانە ولاردىڭ دامۋىنا رەسەي، بەلارۋس ەلدەرىنىڭ 170 ميلليوننان استام حالقى بار نارىعىنا قول جەتكىزە الادى. قازاقستان 17 ميلليون حالقىمەن ٴوز سورپاسىن كوپىرۋىمەن وزدىگىنەن تاۋارلارىن وتكىزۋگە قيىنعا سوعاتىنىن ٴاربىر ساراپشى ايتا الادى. 5 جىلدان بەرگى ۋاقىتتا جالپى ەۋرازيالىق كەڭىستىگى مەن كەدەن وداعى ەلدەرىمەن تاۋار اينالىمىمىز 88%-عا ارتىپ، 24،2 ميلليارد دوللارعا جەتكەنىن دە جوققا شىعارا الماسپىز. رەسەيلىك پەن بەلارۋستىك كومپانيالارمەن بىرلەسكەن كاسىپورىندارى كوپتەپ اشىلۋدا. سوندىقتان، ەكونوميكالىق تۇرعىدا بۇل ارەكەت قازاق ەلىنە ٴتيىمدى بولۋى كەرەك. ۇشىنشىدەن، قازاقستان مەن رەسەيدىڭ 7،5 مىڭ شاقىرىمعا ۇلاسقان بىرلەسكەن شەكارالارىن ەسكەرە وتىرىپ، كورشىنى مويىنسىنباۋ قاتە پىكىر دەپ بىلەمىن، - دەيدى ول. 

 

 

 

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي