BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتتا ەەو تۋرالى شارت ماقۇلداندى

استانا. 9 قازان. baq.kz – بۇگىن پارلامەنت سەناتىنىڭ دەپۋتاتتارى ماجىلىستەن كەلىپ تۇسكەن "ەۋرازيالىق ەكونوميكالىق وداق تۋرالى شارتتى راتيفيكاسيالاۋ تۋرالى" قر زاڭىنىڭ جوباسىن قابىلدادى، - دەپ حابارلايدى baq.kz ٴتىلشىسى. 

اتالعان زاڭ جوباسى "قازاقستان رەسپۋبليكاسىنىڭ حالىقارالىق شارتتارى تۋرالى" قازاقستان رەسپۋبليكاسى زاڭىندا كوزدەلگەن تارتىپپەن ازىرلەنگەن جانە ەۋرازيالىق ەكونوميكالىق وداققا مۇشە مەملەكەتتەر حالقىنىڭ ٴومىر ٴسۇرۋ دەڭگەيىن ارتتىرۋ مۇددەسىندە مەملەكەتتەر ەكونوميكالارىنىڭ تۇراقتى دامۋى ٴۇشىن جاعداي جاساۋعا، سونداي-اق، تاۋارلار، كورسەتىلەتىن قىزمەتتەر، كاپيتال جانە ەڭبەك رەسۋرستارىنىڭ ٴبىرىڭعاي نارىعىن قالىپتاستىرۋعا، جاھاندىق ەكونوميكا جاعدايىندا ۇلتتىق ەكونوميكالاردىڭ باسەكەگە قابىلەتتىلىگىن ارتتىرۋعا باعىتتالعان.

ەربولات دوسايەۆ، قر ۇلتتىق ەكونوميكا ٴمينيسترى:

- شارتتىڭ نىساناسى - تەك قانا، ەكونوميكالىق ىنتىماقتاستىق ماسەلەلەر بولىپ تابىلادى. ەگەمەندىك پەن تەڭدىك، تەڭ قۇقىق جانە مەملەكەتتىڭ ۇلتتىق مۇددەلەرىن ەسكەرۋ قاعيداتى قامتاماسىز ەتىلدى. ەۋرازيالىق ەكونوميكالىق وداق ورگاندارىنىڭ بارلىق دەڭگەيلەرىندە شەشىمدەر قابىلداۋ كەزىندە باسشىلىققا الىناتىن كونسەنسۋستىڭ ناقتى تەتىگى قالىپتاسقان. بۇل قانداي دا ٴبىر مەملەكەتتىڭ باسىم بولۋ مۇمكىندىگىنە جول بەرمەيدى. وداقا مۇشە ەلدەر اراسىنداعى ەكونوميكالىق جيىنتىق كولەمى 2،2 ترلن. اقش دوللارىن قۇرايدى. ٴۇش ەل بويىنشا ونەركاسىپ ٴونىمىنىڭ جالپى شىعارىلۋ كولەمى 1،5 ترلن. اقش دوللارى كولەمىنە جەتتى.

ايتا كەتەيiك، قازىرگى ۋاقىتتا ەەو قۇرامىنا كىرۋگە قىرعىز ەلى مەن ارمەنيا بەلسەندىلىك تانىتىپ وتىر. سونداي-اق ، ٴۇندىستان، ۆەتنام، مىسىر، تۇركيا، يران جانە يسلانديا، نورۆەگيا، شۆەيساريا جانە ليحتەنشتەين مەملەكەتتەرى كەدەن وداعى ەلدەرىمەن ەركىن ساۋدا ايماعىن قۇرۋعا مۇددەلى ەكەندىكتەرىن جەتكىزگەن.

زاڭ جوباسىن تالقىلاۋعا سەناتتىڭ 44 دەپۋتاتى قاتىسىپ ونىڭ ٴ43-ى جاقتاپ داۋىس بەرسە، تەك 1 عانا دەپۋتات داۋىس بەرۋدەن قالىس قالدى.

 


نۇرسەرىك جولبارىس
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي