BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتورلار ەۋرازەق قىزمەتىن توقتاتۋ تۋرالى قۇجاتتى ماقۇلدادى

استانا. 19 جەلتوقسان. baq.kz – پارلامەنت سەناتىنىڭ بۇگىنگى وتىرىسىندا "ەۋرازيالىق ەكونوميكالىق قوعامداستىقتىڭ قىزمەتىن توقتاتۋ تۋرالى شارتتى راتيفيكاسيالاۋ تۋرالى" زاڭ جوباسىن سەنات دەپۋتاتتارى ٴبىراۋىزدان ماقۇلدادى، - دەپ حابارلايدى baq.kz ٴتىلشىسى.

ايتا كەتەيىك، اتالعان زاڭ جوباسى جونىندەگى باياندامانى سىرتقى ىستەر ٴمينيسترى ەرلان ىدىرىسوۆ جاساعان بولاتىن.

- ەستەرىڭىزدە بولسا، ەۋرازيالىق ەكونوميكالىق قوعامداستىقتىڭ قىزمەتىن توقتاتۋ تۋرالى شارتقا اعىمداعى جىلدىڭ قازان ايىندا مينستكىدە قول قويىلعان بولاتىن. ونداعى ماقسات، ەۋرازيالىق ەكونوميكالىق قوعامداستىق پەن ونىڭ ورگاندارى: ينتەگراسيالىق كوميتەت حاتشىلىعىنىڭ، پارلامەنتارالىق اسسامبلەيانىڭ جانە ەۋرازيالىق ەكونوميكالىق قوعامداستىق سوتىنىڭ، سونداي-اق ەۋرازيالىق ەكونوميكالىق قوعامداستىعى ينتەگراسيالىق كوميتەتىنىڭ جانىنداعى قوسالقى ورگاندار مەن سالالىق كەڭەستەردىڭ قىزمەتىن توقتاتۋ بولىپ تابىلادى. سونىمەن قاتار، ٴوزارا ىنتىماقتاستىعى جاراسقان ەلدەر اراسىندا بىر-بىرىنە ۇقسايتىن نەمەسە ٴبىر-بىرىن قايتالايتىن ەكونوميكالىق قاۋىمداستىقتاردىڭ قىزمەت ەتۋى قيسىنسىز ەكەنى تۇسىنىكتى بولسا كەرەك. سوندىقتان دا اتالعان زاڭ جوباسىن قولداۋلارىڭىزدى سۇرايمىن، - دەدى ەرلان ٴابىلفايىز ۇلى.

ٴمينيستردىڭ ايتۋىنشا، زاڭ جوباسىنا مەملەكەت باسشىسى قول قويىلعان سوڭ عانا ول كۇشىنە ەنەدى. ال وسى كەزگە دەيىن تاراپتار اراسىندا قابىلدانعان 150 شارتتىڭ 90-نى ەشبىر وزگەرىسسىز قالىپ، 60 قۇجاتتىڭ كۇشى جويىلادى ەكەن.

ال ٴوز كەزەگىندە سەنات دەپۋتاتتارى اتالعان زاڭ جوباسىن ٴبىراۋىزدان ماقۇلداپ، مەملەكەت باسشىسىنىڭ قول قويۋىنا جىبەردى.


نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي