BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەنات ارمەنيانىڭ ەاەو-قا قابىلدانۋ تۋرالى قۇجاتتى ماقۇلدادى

استانا. 19 جەلتوقسان. baq.kz – بۇگىن پارلامەنت سەناتىنىڭ ٴتوراعاسى قاسىم-جومارت توقايەۆتىڭ جەتەكشىلىك ەتۋىمەن وتكەن پالاتا بيۋروسىندا ٴبىرقاتار زاڭ جوبالارى تالقىلاندى. سونىڭ ٴبىرى - ارمەنيانىڭ ەاەو-قا قوسىلۋ تۋرالى زاڭ جوباسى. 

كۇنى كەشە عانا ٴماجىلىس دەپۋتاتتارى ماقۇلداعان "2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا ارمەنيا رەسپۋبليكاسىنىڭ قوسىلۋى تۋرالى شارتتى راتيفيكاسيالاۋ تۋرالى" زاڭ جوباسىن سەناتورلارعا ۇلتتىق ەكونوميكا ٴمينيسترى ەربولات دوسايەۆ تانىستىردى.

- شارت كۇشىنە ەنگەن كۇننەن باستاپ ارمەنيا رەسپۋبليكاسى ەۋرازيالىق ەكونوميكالىق وداقتىڭ مۇشەسى بولادى جانە شارتتا كوزدەلگەن مىندەتتەردى وزىنە قابىلدايدى. زاڭ جوباسىن قابىلداۋ ەۋرازيالىق ەكونوميكالىق وداققا مۇشە مەملەكەتتەرگە وزدەرىنىڭ حالىقتارىنىڭ ٴومىر ٴسۇرۋ دەڭگەيىن ارتتىرۋ مۇددەسىندە ەكونوميكالىق ىقپالداسۋدى ودان ٴارى دامىتۋ ٴۇشىن جاعداي جاساۋعا مۇمكىندىك بەرەدى، - دەدى ەربولات اسقاربەك ۇلى.

اتالعان زاڭ جوباسىنا قاتىستى ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ مۇشەسى ەلەۋسىن ساعىندىقوۆ قوسىمشا بايانداما جاسادى. سەناتتىڭ تۇراقتى كوميتەتتەرىنىڭ دەپۋتاتتارى زاڭ جوباسىن ەشبىر ەسكەرتۋ نەمەسە ۇسىنىسسىز ٴبىر اۋىزدان ماقۇلدادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي