BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساياساتتانۋشى: ەو مەن ەاەو-نىڭ ىنتىماقتاستىعى ەۋروپا ٴۇشىن پايدالى

 استانا. 4 قازان. baq.kz – ەۋرووداقتىڭ ەۋرازيالىق ەكونوميكالىق وداقپەن (ەاەو) ەكونوميكالىق ىنتىماقتاستىعى اقش-پەن ترانساتلانتيكالىق وداقتان تيىمدىرەك، دەپ مالىمدەدى ريا نوۆوستي اگەنتتىگىنە بەلگىلى پولشالىق ساياساتتانۋشى، گەوساياسي ساراپتامانىڭ ەۋروپالىق ورتالىعىنىڭ ديرەكتورى ماتەۋش پيسكورسكيي.

 رف پرەزيدەنتى ۆلاديمير پۋتين جۇما كۇنى ەۋرازيالىق ەكونوميكالىق وداق تۋرالى كەلىسىمشارتتى راتيفيكاسيالاۋ تۋرالى زاڭعا قول قويعانىن حابارلاعان. كەدەندىك وداق پەن ٴبىرىڭعاي ەكونوميكالىق كەڭىستىكتەن ينتەگراسيانىڭ كەلەسى ساتىسىنا ٴوتۋىن كوزدەيتىن رەسەي، بەلارۋس جانە قازاقستاننىڭ ۋاعدالاستىعىن بىلدىرەتىن قۇجاتقا مامىر ايىندا وسى ەلدەردىڭ باسشىلارى قول قويدى. وسىلايشا، تمد كەڭىستىگىندە 170 ملن ادامدى قامتيتىن ٴىرى ورتاق نارىقتىڭ قۇرىلۋ ٴۇردىسى اياقتالىپ كەلەدى. ول ەكونوميكالىق دامۋدىڭ جاڭا قۋاتتى ورتالىعى بولماق. فەدەراسيا كەڭەسى بۇل كەلىسىمشارتتى سارسەنبى كۇنى راتيفيكاسيالاعان.

"ەۋرووداق ٴۇشىن سەرىكتەس بولا الاتىن قۋاتتى باسەكەلەسى ەاەو پايدا بولدى"، - دەدى پيسكورسكيي.

ونىڭ سوزىنە قاراعاندا، رەسەي، بەلارۋس جانە قازاقستان ينتەگراسيالىق ەكونوميكالىق جوبانى جۇزەگە اسىرۋدا. "ەاەو-مەن ىنتىماقتاستىق ەۋروپا ٴۇشىن ليسسابوننان ۆلاديۆوستوكقا دەيىن ەركىن ساۋدا ايماعىن قۇرۋ بويىنشا ستراتەگيالىق جوبا بولا الادى"، - دەپ اتاپ ٴوتتى گەوساياسي ساراپتامانىڭ ەۋروپالىق ورتالىعىنىڭ ديرەكتورى.

الايدا، پيسكورسكييدىڭ پايىمىنشا، "ەۋروپا الدىندا اقش-پەن ترانساتلانتيكالىق ينتەگراسيا نەمەسە ەاەو-مەن ىنتىماقتاستىق ستراتەگيالىق تاڭداۋى تۇر.

"ازىرگە ەو ۆاشينگتونعا باسىمدىق بەرىپ وتىر. اقش ەۋروپانى وسىناۋ تاڭداۋ جاساۋىنا ماجبۇرلەۋدە"، - دەپ ەسەپتەيدى پولشالىق ساراپشى.

ەگەر ەۋرووداق رەسەيگە ەكونوميكالىق قىسىم كەلتىرىپ، جاڭا سانكسيالار ەنگىزە بەرسە، وندا ەاەو مۇشە ەلدەرى وزگە ەلدەرمەن ەكونوميكالىق بايلانىس ورناتادى. "ەاەو ٴۇشىن ٴۇندىستان، يران، تۇركيا سەرىكتەس بولا الادى. بۇل جاقسى مۇمكىندىكتەر"، - دەپ ەسەپتەيدى پيسكورسكيي.

"ەۋروپا ٴقازىر ازاماتتارى ٴۇشىن قايسىسى پايدالى ەكەنىن ويلاۋى ٴتيىس. مەنىڭ پىكىرىمشە، ەو-نىڭ ستراتەگيالىق سەرىكتەسى ەاەو بولۋى ٴتيىس. بولاشاعىمىزدى ويلاۋىمىز كەرەك"، - دەدى گەوساياسي ساراپتامانىڭ ەۋروپالىق ورتالىعىنىڭ ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي