BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەي كولىكتەرىن كىرگىزۋگە شەكتەۋ قويۋ ماسەلەسى 6 اقپان كۇنى تالقىلانادى

استانا. 4 اقپان. baq.kz – جۇما 6 اقپان كۇنى ماسكەۋدە قازاقستانعا رەسەيدەن تاسىمالدانىپ جاتقان كولىكتەر مەن قۇس ەتىنە شەكتەۋ قويۋ ماسەلەسى تالقىلانادى. بۇل جايىندا "اتامەكەن" ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارى راحىم وشاقبايەۆ مالىمدەدى دەپ حابارلايدى "استانا" تەلەارناسى. 

راحىم وشاقبايەۆ، «اتامەكەن» ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارى:

- ەكى جاقتى كەڭەس باستالدى، اقپاننىڭ 6-سى قازاقستان-رەسەي ۇكىمەتارالىق كەزدەسۋى بولادى. بۇل ماسەلەنى قازاقستان ٴبىرىنشى كەزەكتە كوتەرەدى. ٴقازىر ەكى جاقتى سالاارالىق فورماتتا كەلىسسوزدەر جۇرۋدە. كەدەندىك وداققا شىعىن كەلتىرمەي، وتاندىق وندىرۋشىلەردى قورعاۋدىڭ جولدارىن قاراستىرىپ جاتىرمىز. كەلەسى اپتادا ٴبارى انىقتالادى دەپ سەنەمىز.

ەسكە سالساق، وتكەن اپتادا ەلىمىزدىڭ ٴبىرىنشى ۆيسە-پرەمەرى باقىتجان ساعىنتايەۆ رەسەيلىك اۆتوكولىك، اۆتواكسەسسۋارلار، قۇس ەتى جانە كەيبىر قۇرىلىس زاتتارى بويىنشا شەكتەۋلەر ەنگىزىلۋى مۇمكىن ەكەنىن مالىمدەگەن-دى. ال بۇگىن بەلگىلى بولعانداي، وتاندىق كاسىپكەرلىكتى قولداۋ باعىتىندا «بايتەرەك» ۇلتتىق باسقارۋشى حولدينگى ارقىلى 30 جەتەكشى كومپانياعا ەكىنشى دەڭگەيلى بانكتەر ارقىلى نەسيە تۇرىندە قارجىلاي كومەك كورسەتىلمەك.

قۋاندىق بيشىمبايەۆ، «بايتەرەك» ۇلتتىق باسقارۋشى حولدينگى» اق باسقارما ٴتوراعاسى:

- «بايتەرەك» كومپانياسىنىڭ كورپوراتيۆتىك باعدارلاماسىن بەكىتتىك جانە جاريالادىق. بۇل باعدارلاما ارقىلى ٴبىز ٴوزىمىزدىڭ ٴوندىرىس سەكتورىندا 30 شاقتى ليدەر كومپانيانى تاعايىندايتىن بولامىز. ماقساتىمىز - سونداي كوشباسشىلاردى تاڭداپ، سولارعا قولداۋ كورسەتۋ ارقىلى ولاردى ەكسپورتتىق نارىقتارعا شىعارۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي