BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەي ارمەنيانىڭ ەاەو-عا قوسىلۋ تۋرالى شارتىن بەكىتتى

استانا. 23 جەلتوقسان. baq.kz - رەسەي پرەزيدەنتى ۆلاديمير پۋتين ارمەنيانىڭ ەۋرازيالىق ەكونوميكالىق وداققا (ەاەو) قوسىلۋى جونىندەگى شارتىن بەكىتۋ تۋرالى زاڭعا قول قويدى. بۇل تۋرالى ريا-نوۆوستي حابارلايدى

قۇجات سەيسەنبى كۇنى قۇقىقتىق اقپاراتتىڭ رەسمي عالامتور-پورتالىندا ورنالاستىرىلدى.

قۇجات ارمەنيانىڭ ەاەو تۋرالى شارتقا، سونداي-اق كەدەندىك وداق اياسىندا جاسالعان باسقا دا حالىقارالىق قۇجاتتارعا قوسىلاتىنىن قاراستىرادى. دسۇ-نىڭ مۇشەسى بولىپ تابىلاتىن ارمەنيانىڭ تاريفتىك مىندەتتەمەلەرى قايتا قاراستىرىلاتىنى، سونداي-اق ٴبىرىڭعاي كەدەندىك تاريفكە (بكت) تۇزەتۋلەر ەنگىزىلەتىنى كۇتىلۋدە.

بەكىتىلگەن شارت ارمەنيانىڭ بكت-نەن ەرەكشەلەنەتىن شەتتەن اكەلىنگەن كەدەندىك باجدارىنا سايكەس ٴبىر جىلدان سەگىز جىلعا دەيىن وتپەلى كەزەڭدەردى كەلتىرۋدى، 12 ايدان 60 ايعا دەيىن - كەدەندىك وداقتىڭ تەحنيكالىق ۋاقىت تارتىپتەرىن قولدانۋدى، ٴۇش جىل زياتكەرلىك مەنشىك نىساندارىن قورعاۋ جانە ساقتاۋ ماسەلەلەرىن قاراستىرادى. وتپەلى كەزەڭدەردە ەاەو مۇشەلەرى ارمەنياعا اكەلىنگەن تاۋارلاردى ٴوز اۋماعىنا جەتكىزۋدىڭ ەرەكشە ٴتارتىبىن انىقتاۋعا قۇقىلى.

بۇدان باسقا، شارت تاۋارلاردىڭ كەدەندىك ترانزيت پروسەدۋراسى بويىنشا سايكەستەندىرۋدىڭ ارنايى قۇرالدارىن قولدانۋمەن تاسىمالداۋ ەرەكشەلىكتەرىن انىقتاپ، سانيتارلىق، ۆەتەرينارلىق-سانيتارلىق جانە كارانتيندىك فيتوسانيتارلىق شارالاردى قولدانۋمەن بايلانىستى ماسەلەلەردى رەتتەيدى.

ەاەو تۋرالى شارتقا رەسەي، بەلارۋس جانە قازاقستان ەلدەرى بيىلعى جىلدىڭ 29 مامىرىندا استانادا قول قويعان. قۇجات 2015 جىلدىڭ 1 قاڭتارىندا زاڭدى كۇشىنە ەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي