BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردىڭ زاۋىتى ٴوز ونىمدەرىمەن رەسەي نارىعىنا شىعادى

استانا. 23 مامىر. baq.kz – پاۆلوداردىڭ قۇبىر شىعارۋشىلارى ٴوز ونىمدەرىمەن ٴسىبىر نارىعىن جاۋلاماق. ٴقازىر زاۋىتتا ٴىرى ينۆەستيسيالىق جوبا - ۇلكەن ديامەترلى قۇبىرلار شىعارۋ ٴىسى قىزۋ تالقىلانۋدا. ٴونىمنىڭ جاڭا ٴتۇرى قازاقستاندىق نارىقتى قامتىپ، رەسەيدىڭ ٴسىبىر ايماقتارىنا جونەلتىلەدى.  

بۇل - قازاقستانداعى بولات قۇبىرلار شىعاراتىن العاشقى زاۋىتتاردىڭ ٴبىرى. ۇدەمەلى يندۋستريالدى-يننوۆاسيالىق باعدارلاما بويىنشا 2009 جىلى جۇمىسىن باستادى. قۋاتتىلىق جوباسى جىلىنا 100 مىڭ توننا ٴونىمدى قۇرايدى. بۇل وندىرىستە ديامەترى 20-دان 219 مم-گە دەيىنگى قۇبىرلار شىعارىلادى. زاۋىت سىرتقى نارىقتى دا باعىندىرا باستادى.

ەربولات ٴالىموۆ، اۋىسىم باستىعى:
- ٴبىز ٴبىر اۋىسىمدا 70-80 جىكتى قۇبىر شىعارامىز. ٴقازىر ديامەترى 219 مم قۇبىردى قۇيىپ جاتىرمىز، بىزدە 89،108 مم قۇبىرلار دا سۇرانىسقا يە. گيدروپرەسسپەن ساپاسىن تەكسەرەمىز.

پاۆلوداردىڭ قۇبىر يلەمدەيتىن زاۋىتى 100 پايىز قازاقستاندىق مازمۇندى ٴونىم شىعارادى. شيكىزاتتى قاراعاندىدان جەتكىزەتىن ٴوندىرىس ٴتۇرعىن-ۇي كوممۋنالدى شارۋاشىلىعى، سۋ، گاز تاسىمالدايتىن سالاعا تاپتىرمايتىن قۇبىر تۇرلەرىن وندىرەدى.
قازاقستاندىق نارىقتا ونىمگە سۇرانىس وتە جوعارى.

سەرىك ٴالىموۆ، زاۋىت ديرەكتورىنىڭ ورىنباسارى:
- وتكەن جىلى ٴبىز شامامەن 5 300 توننانى يگەردىك. ارينە، ٴبىز ۇلكەن كولەمدى، ديامەترى 159، 219 بولاتىن قۇبىرلاردى قۇيامىز، ولارعا سۇرانىس جوعارى. بۇگىنگە دەيىن زاۋىت الاڭىندا 2 مىڭ توننا قۇبىر شىعارىلدى.

زاۋىت وندىرىلگەن ٴونىمنىڭ 20 پايىزىن ەكسپورتقا شىعارادى. ٴنوۆوسىبىر وبلىسى، التاي ولكەسىمەن تىعىز بايلانىس ورناتقان. ول جاققا كۇنىنە 300 توننا ٴونىم جونەلتىلەدى. الدا رەسەيدىڭ باسقا دا ايماقتارىمەن ارىپتەستىك ورناتۋ جوسپارى تۇر.

اباي ارىنعازين، زاۋىت ديرەكتورى:
- بۇگىنگى جاعدايدا ەندى اسا بولماسا دا 20 پايىزداي ٴونىمىمىزدى رەسەي وڭىرىنە اتقارىپ، مىنا ٴنوۆوسىبىر، التاي، بارناۋىل وڭىرىنە شىعارىپ سالامىز. بۇرىنعى جاعدايدا بىلسەڭىز، كەڭەس ۇكىمەتى كەزىندە كوپ قۇبىر شىعاراتىن زاۋىت مىناۋ ورال وڭىرىندە بولسا، بۇگىنگى كۇنى ٴبىزدىڭ زاۋىت ٴبىرىنشى قازاقستاندا.

كاسىپورىن باسشىسى ەۋرازيالىق ەكونوميكالىق وداق كاسىپورىنعا وڭ ىقپالىن تيگىزەتىنىن ايتادى. بۇل ٴونىمنىڭ تۇراقتى نارىققا شىعۋىنا جاعداي جاسامايدى، زاۋىتتىڭ قۋاتتىلىعىن ارتتىرادى، جاڭا جۇمىس ورىندارىن اشىپ، ەڭبەككەرلەردىڭ الەۋمەتتىك جاعدايىن جاقسارتۋعا كومەكتەسەدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي