BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق قۇرىلىسشىلار ەەو-عا كىرۋگە دايىن

استانا. 23 مامىر. baq.kz – قازاقستاننىڭ ەۋرازيالىق ەكونوميكالىق وداققا كىرۋىنەن ۇتارى كوپ. باستىسى، ۋاقىت پەن قارجى ۇنەمدەلەدى. باسەكەلەستىك ارتىپ، ساپالى زاتتار نارىققا كوپتەپ شىعارىلادى. «شار-قۇرىلىس» جشس-نىڭ ديرەكتورى جاننا بەكتەمىروۆا baq.kz تىلشىسىنە بەرگەن سۇحباتىندا وسىلاي دەدى.

«2015 جىلدىڭ 1 قاڭتارىندا قۇرىلعالى جاتقان ەۋرازيالىق ەكونوميكالىق وداق بىرنەشە ماسەلەلەردى شەشىپ، تاۋار اينالىمىن ەسەيتە الادى. ازىرگە، تاراپتار ەۋرازيالىق ەكونوميكالىق وداق تۋرالى كەلىسىم جوباسىن جاساپ جاتىر. بۇل كەلەسىم وتە ماڭىزدى. ويتكەنى، وسى قۇجات قازاقستاننىڭ مۇددەسىن قورعايتىن بولادى. كەلىسىم بۇكىلالەمدىك ساۋدا ۇيىمىنىڭ قاعيداتتارى مەن ەرەجەلەرىنە نەگىزدەلگەن ٴبىرىڭعاي ەكونوميكالىق كەڭىستىك قۇرۋدى كوزدەيدى. جانە كەز كەلگەن كەزەڭىندە وزگە مەملەكەتتەردى قۇرامىنا قوسۋعا اشىق تۇرادى. وسىعان بايلانىستى، مەنىڭ ويىمشا ەەو قازاقستاندىقتارعا قاجەت. جوعارىدا اتالعان كەلىسىمدە بارلىق ماسەلە قارالىپ، ٴقاۋىپ بولمايدى. ال، شار-قۇرىلىسقا كەلەر پايدا جايلى ايتار بولساق، وداقتىڭ بىزگە بەرەرى كوپ. ٴبىرىڭعاي ەكونونميكالىق كەڭىستىككە اپارار العاشقى جول كەدەندىك وداقتىڭ قۇرىلۋى بولاتىن. ال، ونىڭ پايداسىن كومپانيا رەسەيلىك تاۋارلاردى ساتىپ الۋدا سەزىنىپ ۇلگەردى. 2014 جىلى كومپانيامىز رەسەيلىكتەردەن مەتالل مەن اعاش ساتىپ العان بولاتىن. وسى كەزدە ٴتۇرلى كەدەندىك راسىمدەردىڭ جەڭىلدەتىلگەنىن بايقادى. بۇل تاۋاردىڭ تەز جەتكىزىلۋىنە اكەلەدى. سونداي-اق، تاريفتىك ەمەس توسقاۋىلدار ازايدى. ياعني، رەسەي مەن بەلورۋستەن كەلەتىن تاۋارلاردى قايتا سەرتيفيكاتتاۋدان وتكىزبەيتىن بولدىق. 2010 جىلدىڭ 1 شىلدەسىنەن باستاپ كەدەندىك وداق ىشىندە تاۋارلار كەدەندىك راسىمدەۋسىز وتە بەرەدى. بۇل قارجى مەن ۋاقىتتى ۇنەمدەۋ دەگەن ٴسوز»،- دەدى جاننا جاقسىلىققىزى.
سونداي-اق، «شار-قۇرىلىس» كومپانياسىنىڭ باسشىسى ەۋرازيالىق ەكونوميكالىق وداقتىڭ الەۋەتىن دە اتاپ ٴوتتى.
«ەۋرازيالىق ەكونوميكالىق وداققا كىرۋدەگى الەۋەت وتە زور. تاۋار اينالىمىنىڭ كوبەيۋى قارجىلىق وسىمگە، ٴوندىرىستىڭ دامۋىنا اكەلەدى. بۇگىنگى كۇنى رەسەيلىكتەر مەن بەلورۋستەردىڭ قازاقستانعا ينۆەستيسيا قۇيۋى ٴتيىمدى. سالىق از، رەسۋرستار ارزان. كەلىسىمگە قول قويۋدى قولدايمىن»،- دەدى ول.
ايتا كەتەيىك، «شار-قۇرىلىس» جشس قۇرىلىس نارىعىنا 18 جىلدان بەرى بەلسەندى اتسالىسىپ كەلەدى. فيرما ەلباسىنىڭ باستامالارىن قولداپ، ەلوردامىزدىڭ كوركەيۋىنە ۇلەس قوسىپ كەلە جاتقان كومپانيا. 2006 جىلى ەسىل جاعالاۋىندا ورنالاسقان «مەرۋەرت» كوپقاباتتى تۇرعىن ٴۇي كەشەنىن سالسا، سول جىلى-اق، پرەزيدەنتتىك ساياباق جانىندا ورنالاسقان «ەرتەگى الەمى» كەشەنىنىڭ قۇرىلىسىن باستاپ كەتكەن.
حالىقارالىق تالاپتارعا ساي كەلەتىن «بارىس» سپورت كەشەنى، قورعالجىڭ تاس جولىنداعى كاسىبي تەحنيكالىق ليسەي، 350 جاتىن ورنىنا ارنالعان قالالىق بالالار اۋرۋحاناسى، تىكۇشاقتار قۇراستىراتىن زاۋىتتىڭ قۇرىلىسى دا وسى سەرىكتەستىكتىڭ ەنشىسىندە.
قازىرگى تاڭدا «شار-قۇرىلىس» كومپانياسى استانادا جەتى نىساننان تۇراتىن تۋبەركۋلەزگە قارسى ديسپانسەردى سالۋدا.

 

ارايلىم بەكسەيىتوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي