BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وسكەمەن كوندەنساتور زاۋىتى ٴۇشىن رەسەي نارىعى ٴتيىمدى

استانا. 5 ماۋسىم. baq.kz - ەۋرازيالىق ەكونوميكالىق وداق اياسىندا ەلىمىزدەگى ٴىرى كاسىپورىنداردىڭ ەڭبەك ونىمدىلىگى ارتا تۇسپەك. وسى ٴوندىرىس ورىندارىنىڭ قاتارىندا «وسكەمەن كوندەنساتور زاۋىتى» اكسيونەرلىك قوعامى دا بار.

ٴقازىر اتالعان كاسىپورىننىڭ ەڭ ۇلكەن نارىعى رەسەي فەدەراسياسى بولىپ وتىر. بۇل زاۋىت رەسەيدىڭ ٴبىرقاتار اككرەديتاسيالىق كۋا­لىكتەرى مەن سەرتيفيكاتتارىن العان. سونداي-اق، ول 2004 جىلى نيدەرلاندىنىڭ كەما سەرتيفيكاتىن دا يەلەنگەن.
 
«وسكەمەن كوندەنساتور زاۋىتى» اكسيونەرلىك قوعامىنىڭ باس ديرەكتورى ۆلاديمير اكسەنەۆ: «ەۋرازيالىق ەكونوميكالىق ينتەگراسيانىڭ پايداسى جوعارى بولادى دەپ ۇمىتتەنەمىز. ٴبىز ٴوز ٴونىمىمىزدى رەسەيگە ۇنەمى تاسىمالداپ كەلەمىز. سەبەبى، كەڭەس وداعى كەزىندە كوندەنساتور جانە كوندەنساتور قۇرىلعىلارىن وندىرۋمەن اينالىساتىن جالعىز كاسىپورىن بولدىق. سوندىقتان الىس جانە جاقىن شەتەلدەرگە ٴوز ونىمدەرىمىزدى تاسىمالدادىق. ٴبىزدىڭ ٴونىمىمىز 25 الىس شەتەلگە جىبەرىلەتىن. كەڭەس وداعى ىدىراعان سوڭ زاۋىت ونىمدەرىن تمد ەلدەرى اۋماعىنا شىعارۋ جولعا قويىلدى.
 
ٴوندىرىس ٴونىمىنىڭ جالپى كولەمى وتكەن جىلى 1 ميلليارد 820 ميلليون تەڭگەنى قۇرادى. بۇگىندە زاۋىتتا 390 ادام جۇمىسپەن قامتىلىپ وتىر. ٴونىمدى رەسەي، ۋك­راي­نا، بەلارۋس، وزبەكستان جانە قىر­عىزستان ەلدەرىنە تاسىمالدايمىز. اسىرەسە، رەسەي ٴبىز ٴۇشىن ۇلكەن نارىق بولىپ وتىر»، – دەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي