BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورىنبوردىڭ ىسكەرلىك دەلەگاسياسى ورالعا كەلمەك

بۇل جونىندە باتىس قازاقستان وبلىسىنىڭ اكىمى نۇرلان نوعايەۆ بۇگىن وتكەن قر پرەزيدەنتى جانىنداعى ورتالىق كوممۋنيكاسيالار قىزمەتىندەگى ٴداستۇرلى بريفينگتە مالىمدەدى، - دەپ حابارلايدى baq.kz ٴتىلشىسى.
 

- الداعى ايدىڭ ونىنشى جۇلدىزىنا قاراي، ٴبىز رەسەيدىڭ ورىنبور وبلىسىنىڭ ىسكەر توپ وكىلدەرى رەسمي ساپارمەن كەلەدى دەپ جوسپارلاپ وتىرمىز. ويتكەنى، وسى كەزگە دەيىن بقو كاسىپكەرلەرى كورشى ەلدىڭ شەكارالاساتىن بەس وبلىسىن تۇگەلدەي ارالاپ، ٴوزارا قارىم-قاتىناستى جاڭا ساتىعا كوتەرىپ قايتقان بولاتىنبىز. ەندى ورىنبورلىق سەرىكتەستەرىمىز ٴبىزدىڭ ايماققا كەلىپ، وندىرىستىك الەۋەتىمىزبەن جاقىنىراق تانىسۋعا بەيىلدى. بۇدان ٴبىزدىڭ ۇتاتىنىمىز سول، تاۋارلارىمىزدى شيكىزات كۇيىندە ەمەس، وڭدەلگەن دايىن ٴونىم رەتىندە نارىققا شىعاراتىنىمىز. سەبەبى، سوڭعى جىلدارى مەملەكەت باسشىسىنىڭ قولداۋىمەن قازاقستان بيزنەستى وتە بەلسەندى قولداۋدا. ەەو ٴوز قىزمەتىنە كىرىسكەننەن كەيىن دە، مەملەكەت قارجىلىق قولداۋ مەن اكىمشىلىك كەدەرگىلەردى جويۋ جۇمىستارىن جۇرگىزۋدى توقتاتپايتىن بولادى. مۇنداي يگى شارا ەل ەكونوميكاسىنىڭ يگىلىگى ٴۇشىن قاجەت دەپ ويلايمىن، - دەدى نۇرلان اسار ۇلى.
 

نۇرلىبەك دوسىباي،

سۋرەتتى تۇسىرگەن – ازات ەسەمبەكوۆ 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي