BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭ ناتيجەگە باعىتتالعان يدەيا

 استانا. 16 مامىر. baq.kz – ەۋرازيالىق ينتەگراسيا تۋرالى يدەيا ٴوز كەزەگىندە مىندەتتى تۇردە وڭ ناتيجەلەرگە جەتكىزەتىن بولادى. بۇل پىكىردى قاراعاندى وبلىسى كاسىپكەرلەر قاۋىمداستىعى باسشىسىنىڭ ورىنباسارى سەرىك ساناۋبايەۆ baq.kz تىلشىسىنە بەرگەن سۇحباتىندا ايتتى.

 سەرىك ساناۋبايەۆ، قاراعاندى وبلىسى كاسىپكەرلەر قاۋىمداستىعى باسشىسىنىڭ ورىنباسارى:


– قازاقستان رەسپۋبليكاسىنىڭ پرەزيدەنتى ن.ٴا.نازاربايەۆتىڭ م.ۆ.لومونوسوۆ اتىنداعى موسكۆا مەملەكەتتىك ۋنيۆەرسيتەتى قابىرعاسىندا العاش رەت ەۋرازيالىق ينتەگراسيا تۋرالى يدەيا ۇسىنعانىنا 20 جىل ٴوتتى. سول ۋاقىتتان بەرى بەلورۋسسيا، قازاقستان جانە رەسەي مەملەكەتتەرى 3 كەزەڭنەن بىرگە ٴوتىپ، بۇگىنگى كۇنى ەۋرازيالىق ەكونوميكالىق وداق قۇرۋ تۋرالى ماڭىزدى شەشىم قابىلداعاۋ الدىندا تۇر. باتىس ەلدەرى ەۋرووداق قۇرۋعا 50 جىلعا جۋىق ۋاقىت ارناعان، ال بىزدە 2015 جىلعى 1 قاڭتاردان باستاپ جۇمىس ىستەيتىن بۇل وداق قىسقا مەرزىمدە قۇرىلعالى وتىر. مۇنىڭ وزىندىك سەبەپتەرى دە بار.
بىرىنشىدەن، بىرىككەلى وتىرعان ەلدەردە بۇرىنعى كەڭەس وداعى كەزىندە بىرگە بولۋ تاجىريبەسى بار.
ەكىنشىدەن، بۇل ەلدەر ترانسەۋرازيالىق ماگيسترال شەگىندە وڭتايلى ورنالاسقان. ۇشىنشىدەن، پايدالى قازبالاردىڭ باي قورى بار. ٴبىزدىڭ ەلدەردىڭ اراسىنداعى تاۋار اينالىمى مەن ىشكى جالپى ٴونىمنىڭ وسكەنى، بيزنەستىڭ جۇمىس جۇرگىزۋىنە ٴتيىمدى بولىپ وتىرعانى ٴقازىردىڭ وزىندە بايقالۋدا. سەبەبى 170 ملن. ادامنان تۇراتىن اۋقىمدى تۇتىنۋ نارىعى بار، بۇعان قوسا باسەكەلەستىك تە ارتادى. ال بۇل ٴوز كەزەگىندە مىندەتتى تۇردە وڭ ناتيجەلەرگە جەتكىزەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي