BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆ: سيفرلاندىرۋ – ەكونوميكانىڭ قوزعاۋشى كۇشى

الماتىدا «جاھاندانۋ داۋىرىندەگى سيفرلىق كۇن ٴتارتىبى» ەاەو فورۋمى ٴوتىپ جاتىر. فورۋمدا ٴسوز سويلەگەن قر پرەمەر-مينيسترى باقىتجان ساعىنتايەۆ پرەزيدەنت نۇرسۇلتان نازاربايەۆتىڭ قاتىسۋشىلارعا جولداعان حاتىن وقىپ بەردى، دەپ حابارلايدى baq.kz اقپارات اگەنتتىگى.

«الەم جىلدام ٴارى تۇبەگەيلى تۇردە تەحنولوگيالىق وزگەرىستەرگە ۇشىراۋدا. ۇلتتىق ەكونوميكا مەن حالىقتىڭ ٴومىر ٴسۇرۋ ساپاسىن جاقسارتۋدا سيفرلاندىرۋ نەگىزگى فاكتورعا اينالىپ وتىر. سيفرلاندىرۋ - ەكونوميكانىڭ قوزعاۋشى كۇشى. الەمدىك ۇيىمدار مەن ەاەو دا وسى سيفرلاندىرۋعا باسا ٴمان بەرىپ وتىر. بۇگىنگى فورۋم سيفرلاندىرۋ باعىتىندا جاسالعان ماڭىزدى قادامداردىڭ ٴبىرى. ٴبىزدىڭ ەۋروپالىق ەكونوميكالىق وداق تا ٴدال وسىلاي 2025 جىلعا دەيىن جاسالاتىن سيفرلاندىرۋعا قاتىستى كۇن ٴتارتىبىن ەنگىزدى»، - دەلىنگەن نۇرسۇلتان نازاربايەۆتىڭ حاتىندا.

ايتا كەتەيىك، بۇگىن الماتىدا مەملەكەت باسشىسى نۇرسۇلتان نازاربايەۆتىڭ باستاماسىمەن «جاھاندانۋ داۋىرىندەگى سيفرلىق كۇن ٴتارتىبى» فورۋمى ٴوتىپ جاتىر. وتىرىس اياسىندا يننوۆاسيالاردى جانە تەحنولوگيالىق كاسىپكەرلىكتى دامىتۋ، بازالىق ينتەگراسيالىق جوبالار، ەۋرازيالىق ەكونوميكالىق وداقتاعى ونەركاسىپتىك سيفرلاندىرۋ جانە اۋىل شارۋاشىلىعىن سيفرلىق ترانسفورماسيالاۋدىڭ وزەكتى ماسەلەلەرى تالقىلانۋدا.

فورۋم جۇمىسىنا ارمەنيانىڭ پرەمەر-مينيسترى - ك. كاراپەتيان، بەلارۋستىڭ پرەمەر-مينيسترى - ا. كوبياكوۆ، قازاقستاننىڭ پرەمەر-مينيسترى - ب. ساعىنتايەۆ، قىرعىزستاننىڭ پرەمەر-مينيسترى - س. يساكوۆ، رەسەيدىڭ پرەمەر-مينيسترى - د. مەدۆەدەۆ، سونداي-اق ٴازىربايجان مەن تاجىكستاننىڭ رەسمي دەلەگاسيالارى كەلدى.

ەسكە سالساق، 2017 جىلعى قازاندا جوعارعى ەۋرازيالىق ەكونوميكالىق كەڭەس وتىرىسىندا ەاەو مۇشە مەملەكەتتەردىڭ باسشىلارى 2025 جىلعا دەيىنگى سيفرلىق كۇن ٴتارتىبىنىڭ نەگىزگى باعىتتارىن بەكىتتى، سونداي-اق پرەزيدەنت نۇرسۇلتان نازاربايەۆتىڭ ەاەو ەكونوميكاسىن سيفرلاندىرۋ بويىنشا ارنايى كەزدەسۋ وتكىزۋ تۋرالى باستاماسىن قولدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي