BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: ەاەو جاڭا سىن-قاتەرلەر جاعدايىنداعى كۇردەلى جۇمىستارعا دايىن بولۋى قاجەت

استانا. 23 جەلتوقسان. baq.kz - ەاەو جاڭا سىن-قاتەرلەر جاعدايىنداعى كۇردەلى جۇمىستارعا دايىن بولۋى قاجەت. بۇل تۋرالى بۇگىن ماسكەۋدە جوعارعى ەۋرازيالىق ەكونوميكالىق كەڭەس وتىرىسىنىڭ قورىتىندىسى بويىنشا وتكەن ٴباسپاسوز ٴماسليحاتى بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ مالىمدەدى، دەپ حابارلايدى bnews.kz ٴتىلشىسى. 

«ٴبىرىڭعاي مىقتى ەكونوميكالىق فۋندامەنتتى قۇرا وتىرىپ، ٴبىز ەلدەرىمىز بەن حالىقتارىمىز اراسىنداعى دوستىعىمىزدى، تاتۋ كورشىلىگىمىزدى، سەنىمدى نىعايتىپ جاتىرمىز. بۇگىن ٴبىز بەيبىتشىلىك، كەلىسىم، ٴوزارا قولداۋ مەن ەلدەرىمىز ٴۇشىن ٴتيىمدى بولاتىن بەرىك ۇزاقمەرزىمدى باعىتتى ايقىنداپ وتىرمىز. ەكونوميكالىق ىقپالداستىققا تۇسكەن بارلىق ەلدەر ساياسي زايىرلىلىعىن، حالىقتارىنىڭ تاۋەلسىزدىگى مەن تىلدىك ەرەكشەلىگىن نىعايتىپ وتىر»، - دەدى ن.نازاربايەۆ.

مەملەكەت باسشىسى الەمدىك نارىقتاردىڭ تۇراقسىزدىعى، سانكسيالىق ساياسات، جەتەكشى دەرجاۆالار اراسىنداعى سەنىمنىڭ السىرەۋى، اسكەري-تەحنيكالىق، ۋشىعىپ وتىرعان ساياسي قاۋىپ-قاتەرلەر ەۋرازيالىق ەكونوميكالىق وداققا اسەر ەتپەي قويمايتىنىن اتاپ ٴوتتى.

«ٴبىز بۇل قاۋىپ-قاتەرلەردىڭ بارلىعىن ەسكەردىك. سوندىقتان، ٴبىز جاڭا سىن-قاتەرلەر جاعدايىنداعى كۇردەلى جۇمىستارعا دايىن بولۋىمىز قاجەت»، - دەگەن پىكىرىن ٴبىلدىردى ەلباسى.
ديانا قۇلماعانبەتوۆا 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي