BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ن.نازاربايەۆ تۇركياعا ەاەو-عا قوسىلۋدى ۇسىندى

استانا. 6 ماۋسىم. baq.kz – "قازاقستان پرەزيدەنتى نۇرسۇلتان نازاربايەۆ تۇركىتىلدەس مەملەكەتتەردىڭ ىنتىماقتاستىق ٴسامميتى قورتىندىسى بويىنشا وتكەن بريفينگتە بولاشاقتا تۇركيا ەۋرازيالىق ەكونوميكالىق وداقتىڭ قاۋىمداسقان مۇشەسى بولۋى مۇمكىن دەپ مالىمدەدى"، - دەپ حابارلايدى tengrinews.kz اقورداعا سىلتەمە جاساپ.

 نەگىزگى تاقىرىبى تۋريزم سالاسىن دامىتۋ ماسەلەسى بولعان سامميتكە ازەربايجان رەسپۋبليكاسىنىڭ پرەزيدەنتى يلحام اليەۆ، قىرعىز رەسپۋبليكاسىنىڭ پرەزيدەنتى المازبەك اتامبايەۆ، تۇركيا رەسپۋبليكاسىنىڭ پرەزيدەنتى ابدۋللاھ گۇل جانە تۇرىكمەنستان پرەزيدەنتى گۋربانگۋلى بەردىمۇحامەدوۆ قاتىستى.
قازاقستان پرەزيدەنتى ٴوز سوزىندە تۇركى كەڭەسى حالىقارالىق ۇيىم رەتىندە ناقتى ناتيجەلەرگە قول جەتكىزگەنىن جانە بارلىق مۇشە-مەملەكەتتەردىڭ يگىلىگى ٴۇشىن ونىڭ جۇمىسىن ودان ٴارى كۇشەيتۋ قاجەتتىگىن ايتتى.
سونىمەن قوسا نازاربايەۆ تۇرىكتىك كەڭەس پەن ەاەو-نىڭ اراسىندا ەشقانداي قاراما-قايشىلىق جوق ەكەنىن اتاپ ٴوتتى. "باسقا دا مەملەكەتتەردىڭ قوسىلۋى ٴۇشىن ەاەو اشىق. مىسالى، تۇركيا جانە وزگە دە ەلدەر بولاشاقتا اتالمىش بىرلەستىكتىڭ قاۋىمداسقان مۇشەسى بولا الادى. سونىمەن بىرگە بۇل ساۋال ەۋرازيالىق ەكونوميكالىق وداققا مۇشە ەلدەر ٴۇشىن ايرىقشا قۇزىرەت بولىپ تابىلادى" - دەدى ەلباسى. ەستەرىڭىزگە سالساق، 29 مامىر كۇنى استانادا قازاقستان، بەلارۋس جانە رەسەي مەملەكەتتەرىنىڭ باسشىلارى ەاەو قۇرۋ تۋرالى كەلىسىمشارتقا قول قويعان بولاتىن.
سونداي-اق، ەلباسى وداققا قوسىلۋعا ارمەنيا مەن قىرعىزستاننىڭ جانە وزگە دە ەلدەردىڭ نيەت بىلدىرگەنىن اتاپ ٴوتتى. سونىمەن قوسا بۇل ماسەلە بويىنشا جۇمىستاردى جانداندىرۋ كەرەك ەكەنىن ايتتى.
قازاقستان پرەزيدەنتى تۇركىتىلدەس مەملەكەتتەر ىنتىماقتاستىق كەڭەسىنە مۇشە ەلدەر مەن قازاقستان اراسىنداعى ىنتماقتاستىقتىڭ ەكونوميكالىق جانە مادەني-گۋمانيتارلىق سالالاردىڭ دامۋىنا سەرپىن بەرەتىنىن اتاپ ٴوتتى. سونداي-اق ول ٴازىربايجان، تۇركيا، تۇركىمەنستان پرەزيدەنتتەرىمەن كەزدەسۋ بارىسىندا ەكىجاقتى قارىم-قاتىناستاردىڭ بۇگىنى مەن بولاشاعى جايىن تالقىلاعانىن مالىمدەدى.
وتىرىس بارىسىندا نازاربايەۆ ٴارتۇرلى ساۋالداردىڭ تالقىلانعانىن، ونىڭ ىشىندە تۋريزم سالاسىن دامىتۋعا اسا كوڭىل بولىنگەنىن ايتتى. "تۇركيادا تۋريزم سالاسى جاقسى دامىعان، ٴبىز ولاردىڭ تاجىريبەسىن الۋعا كەلىستىك، قاجەت مامانداردى تۇركيا ۋنيۆەرسيتەتتەرىندە دايىندايتىن بولامىز" - دەدى ول.
سونداي-اق، نازاربايەۆ كەلەسى جىلدان باستاپ ٴبىرىڭعاي اقپاراتتىق كەڭىستىكتى دامىتۋ ماسەلەلەرى تالقىلاناتىنىن جەتكىزدى. "مەن بۇكىل الەمگە تۇركىتىلدەس ەلدەر تۋرالى، ٴبىزدىڭ مادەنيەتىمىز بەن تاريحىمىز جايلى حابار تاراتاتىن ارنايى سپۋتنيكتىك تەلەارنا قۇرۋدى ۇسىندىم. ودان وزگە، سونىڭ كومەگىمەن ٴبىز ٴوز ەلىمىزگە الەمنىڭ نازارىن اۋدارامىز، ونىڭ ىشىندە قازاقستاننىڭ يندۋستريالىق باعدارلاماسى تۋرالى ايتاتىن بولامىز" - دەدى نۇرسۇلتان نازاربايەۆ.
مەملەكەت باسشىسى تۇركى الەمىنە جاڭا جوبالار ۇسىناتىن كولىك مۇمكىندىكتەرىن پايدالانۋدىڭ ماڭىزدىلىعىنا دا توقتالدى. ول ەل ەكونوميكاسى ٴۇشىن اۆتوموبيل جانە تەمىر جولداردىڭ اسا ماڭىزدى ەكەنىن اتاپ ٴوتتى. نازاربايەۆ ايماقتاعى ترانسپورتتىق جانە لوگيستيكالىق جەلىنى دامىتۋ ٴۇشىن قازاقستان-تۇركىمەنستان-يران تەمىرجولىن بيىلعى جىلى اياقتاۋ جوسپارلانىپ وتىرعانىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي