BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ن.نازاربايەۆ ەۋرازيالىق وداققا قاتەردىڭ ٴتونىپ تۇرعانىن ايتتى

استانا. 22 جەلتوقسان. baq.kz – كەشە قازاقستاندىق باق وكىلدەرىمەن كەزدەسكەن مەملەكەت باسشىسى نۇرسۇلتان نازاربايەۆ كەلەر جىلى ىسكە قوسىلاتىن ەۋرازيالىق وداققا ٴقاۋىپ ٴتونىپ تۇرعانىن ايتتى. 

«وتكەن جىلدىڭ تاريحىنا جازىلىپ جاتسا دا، قاربالاستا كەيبىر وقيعالار ۇمىتىلىپ جاتقانداي كۇي كەشەسىڭ. ٴبارىبىر ماڭىزدى وقيعالار ورىن الدى. استانادا ٴبىز ەۋرازيالىق ەكونوميكالىق وداق قۇرۋ جونىندەگى كەلىسىمشارتقا قول قويدىق. بۇل يدەيانى 20 جىل بۇرىن ماسكەۋ مەملەكەتتىك ۋنيۆەرسيتەتىندە ايتقان بولاتىنمىن. شىنىن ايتايىن، داعدارىسقا بايلانىستى بۇگىندە وداق ۇلكەن قاۋىپ-قاتەرلەرگە ۇشىراپ وتىر»، - دەدى ەلباسى.

مەملەكەت باسشىسى، وداقتىڭ قۇرىلۋى - كەڭەس ۇكىمەتىنە قايتىپ ورالۋ ەمەس ەكەنىن تاعى قاداپ ايتتى.

«تاۋەلسىزدىگىمىزدەن ايىرىلىپ، جاڭا كەڭەس وداعى قۇرىلىپ جاتىر دەگەن سوزدەر ايتىلدى، ايتىلا دا بەرەدى. بوس ساندىراق. كەڭەس وداعىن قۇرعىسى كەلەتىندەردە ٴتىپتى، مي جوق. ٴبىز بۇدان باياعىدا-اق كەتكەنبىز، ٴقايتىپ ورالۋ مۇمكىن ەمەس. ول كەزدە ورتاق ماركس-لەنين يدەولوگياسى بولدى. ول كەلمەسكە كەتتى. ۋىسىندا ۇستاعان كوممۋنيستىك پارتيا بولدى، ونىڭ دا عۇمىرى تاريح قويناۋىندا. ٴبىرىڭعاي ەكونوميكالىق «اعزا» بولدى، ەندى ول جوق. جاڭا بۋىن ٴوسىپ شىقتى سودان بەرى. كوشەدەگى وقۋشىدان ٴقازىر سۇراڭىز، ماركس دەگەن كىم، لەنين دەگەن كىم دەپ. ونى سۇراپ تا كەرەك ەمەس، سەبەبى ٴتىپتى جاڭا بۋىن قالىپتاسىپ ۇلگەردى»، - دەدى پرەزيدەنت.
ەلباسىنىڭ ايتۋىنشا، ەاەو ەلدەرى اراسىندا تاۋار اينالىمى 40 پايىزعا وسكەن.

«قازىرگى جاعدايلارعا بايلانىستى ونىڭ دەڭگەيى تۇسەتىنى انىق. سەبەبى، بارشا الەمنىڭ ەكونوميكاسى تۇسۋدە. اقشا جاعىنان قىسىلتاياڭ كورۋدە. ٴبىراق تاۋار الماسۋ جانە بىرلەسكەن كاسىپورىندار قۇرۋ جاعىنان ٴبىز وڭ كورسەتكىشتەر كورىپ وتىرعانىمىز انىق. سەبەبى، شەكارا اشىق، ادامداردىڭ بارىس-كەلىسى كوبەيەدى، پويىزدار مەن جۇكتەر ەشبىر تەكسەرۋسىز وتۋدە. ياعني، كەڭىستىگىمىز ٴۇش مەملەكەتكە كەڭەيدى. ەكونوميكا قالپىنا كەلەدى جانە ٴبىزدىڭ يگىلىگىمىزگە جۇمىس جاسايدى»، - دەدى ن.نازاربايەۆ. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي