BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينسكتە ەاەو تۋرالى شارت بەكىتىلدى

استانا. 10 قازان. baq.kz - ەۋرازيالىق ەكونوميكالىق وداق تۋرالى شارتتى بەلورۋسسيانىڭ تومەنگى پالاتاسىنان كەيىن ۇلتتىق جينالىس كەڭەسى دە بەكىتتى. قۇجاتتى دەپۋتاتتار ٴبىراۋىزدان ماقۇلداعان. بۇدان كەيىن قۇجات ەل پرەزيدەنتى الەكساندر لۋكاشەنكونىڭ قاراۋىنا جىبەرىلەدى. وسىلايشا ماقۇلدانعان شارت بەلارۋس تاراپىنان تولىق بەكىتىلمەك. 

سەرگەي رۋماس، بەلارۋس رەسپۋبليكاسىنىڭ مينيسترلەر كەڭەسى پرەزيديۋمىنىڭ مۇشەسى
-ەەو-تىڭ يگىلىن ەكونوميكانىڭ بارلىعى سالاسى سەزىنۋى ٴتيىس. بۇل تەك كەزەڭمەن بولاتىنىن ۇمىتپاعان ٴجون. ٴوندىرىس، اۋىل شارۋاشىلىعى بۇل كەلىسىم قامتىلماعان سالالار قالمادى. ٴار سالا بويىنشا بەكىتىلگەن جول كارتاسى بار. ٴبىز بۇل وداقتان جاعىمسىز اسەر كورىپ تۇرعانىمىز جوق، سوندىقتان ينتەگراسيانىڭ مۇمكىندىكتەرىن پايدالانۋ قاجەت.

نيكولاي ساموسەيكو، بەلارۋس پارلامەنتىنىڭ دەپۋتاتى
-كەلىسىمشارتتىڭ بەكىتىلىپ، ونىڭ كۇشىنە ەنۋى بەلارۋس رەسپۋبليكاسى ەكونوميكاسىنىڭ ۇزاقمەرزىمدى دامۋىنا جول اشىپ، سەرىكتەس ەلدەرگە جاڭا ينتەگراسيالىق ۇدەرىستەر جۇرگىزۋگە مۇمكىندىك جاساماق . اسىرەسە تاۋارلار مەن جۇمىس كۇشىنىڭ، قىزمەت سالاسى جانە كاپيتالدىڭ ەركىن اينالىمى بولادى دەپ كۇتىلۋدە. 20 ملن. شارشى مەتر شاقىرىم اۋماقتى قامتىعان 170 ملن ادام. 3 تريلليون دوللار كولەمىندەگى ٴجىو. بۇل زور مۇمكىندىكتەر. دەمەك، وسى ارقىلى ۇزاقمەرزىمدى ەكونوميكالىق پەرسپەكتيۆا قالىپتاستىرۋعا تولىقتاي نەگىز بار. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي