BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر ەەو-نىڭ ەڭ نەگىزگى ەكى ورگانىن اتادى

استانا. 9 قازان. baq.kz – ەۋرازيالىق ەكونوميكالىق وداقتا تۇراقتى جۇمىس ىستەيتىن نەگىزگى ەكى ورگان بولادى. بۇل تۋرالى بۇگىن قر پارلامەنتى سەناتىنىڭ "ەەو شارتتارىن راتيفيكاسيالاۋ تۋرالى" زاڭ جوباسىن تالقىلاۋعا ارنالعان وتىرىستا ۇلتتىق ەكونوميكا ٴمينيسترى ەربولات دوسايەۆ مالىمدەدى، - دەپ حابارلايدى baq.kz ٴتىلشىسى. 

– ەگەمەندىك، تەڭدىك اقيقاتى شەشىمدەر قابىلداۋ تەتىگىندە عانا ەمەس، سونىمەن قاتار، قاتىسۋشى ەلدەردىڭ ەۋرازيالىق وداق ورگاندارىنا ۇسىنىلۋ سانىندا دا بەلگىلەنگەن. وداقتا تۇراقتى جۇمىس ىستەيتىن ەكى ورگان – ەۋرازيالىق ەكونوميكالىق كوميسسيا مەن سوت بولادى. ولاردا دا تاراپتاردىڭ تەڭ بولۋى قامتاماسىز ەتىلەدى. كوميسسيا ەكى دەڭگەيدەن تۇرادى. كەڭەس پەن القا كەڭەستە ٴار مەملەكەتتەن ٴبىر بىردەن پرەمەر-مينيستر ورىنباسارى بولادى. القاعا قاتىسۋشى ەلدەردەن ٴۇش وكىلدەن كىرەدى. سونداي-اق، وداق سوتىندا دا وسىلاي بولادى. ياعني، ٴار مەملەكەتتەن ەكى سۋديادان تاعايىندالادى. وسىلايشا، ەۋرازيالىق وداق ورگاندارىنىڭ جوعارى لاۋازىمدى تۇلعالارىنىڭ دەڭگەيىندە تەڭدىك قاعيداتى ساقتالعان. بۇل رەتتە، ٴبىز ەۋرازيالىق ەكونوميكالىق كوميسسيانىڭ لاۋازىمدى تۇلعالارىنا دا وسى قاعيداتتى كەڭەيتتىك. ديرەكتورلار مەن ديرەكتورلاردىڭ ورىنباسارلارى لاۋازىمدارىن تاراپتار وكىلدەرى تەڭ دەڭگەيدە يەلەنەتىن بولادى. وسىعان بايلانىستى، ٴبىز تەڭ قۇقىقتى ەكونوميكالىق ارىپتەستىكتىڭ تۇبەگەيلى جاڭا دەڭگەيىنە شىعىپ وتىرمىز. بۇل ٴوزارا پايدالى شەشىمدەر قابىلداۋدى، ينتەگراسيالىق ۇيىمنىڭ دامۋ تەڭدىگىن قامتاماسىز ەتەتىن بولادى. ەۋرازيالىق ەكونوميكالىق وداقتىڭ قازاقستان ەكونوميكاسىنىڭ تولىق كولەمدە دامۋى ٴۇشىن جاڭا پەرسپەكتيۆالارى ەۋروپا ەلدەرىن، ورتالىق جانە وڭتۇستىك شىعىس ازيا مەملەكەتتەرىن قوسا العاندا ەۋرازيا ٴوڭىرىنىڭ بارلىق ەلدەرىنىڭ ەكونوميكالىق كووپەنراسياسى ٴۇشىن ۇلكەن مۇمكىندىكتەر اشاتىنانا سەنىمدىمىن،- دەدى ەربولات اسقاربەك ۇلى.

 

نۇرسەرىك جولبارىس
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي