BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەدۆەدەۆ كريپتوۆاليۋتا ماسەلەلەرىن ەاەو اياسىندا شەشۋدى ۇسىندى

ەاەو مەملەكەتتەرىنىڭ كريپتواكتيۆتەرى ۇلتتىق مودەل اياسىندا قالىپ قويماۋى ٴتيىس. مەملەكەتتەر ەكونوميكاسى بىر-بىرىمەن تىعىز بايلانىستى بولعاندىقتان، بۇل ماسەلەگە اسقان ىجداحاتتىلىقپەن قاراۋ كەرەك. بارلىعىن وداق كولەمىندە رەتتەپ وتىرماساق، بۇل پرينسيپتەردى ٴبىر مەملەكەتكە عانا ەنگىزە المايمىز. وسىلاي دەپ مالىمدەدى رەسەي پرەمەر-مينيسترى دميتريي مەدۆەدەۆ الماتىدا وتكەن «جاھاندانۋ داۋىرىندەگى سيفرلىق كۇن ٴتارتىبى» فورۋمى اياسىندا، دەپ حابارلايدى baq.kz ٴتىلشىسى.

ونىڭ ايتۋىنشا، كريپتواكتيۆتەرگە قاتىستى حالىقارالىق كونۆەنسيالار دايىندالۋى ٴتيىس.

«قازاقستاندىق دوستارىمىزعا پايدالى فورۋم ٴۇشىن العىس ايتامىن، ونى وتكىزۋ باستاماسىن قولعا العان قر پرەزيدەنتى نۇرسۇلتان نازاربايەۆقا قۇرمەتىم شەكسىز. سيفرلاندىرۋعا قاتىستى شارالاردى از ۋاقىت ىشىندە جۇرگىزۋ مۇمكىن ەمەس. ٴتىپتى، الدىڭعى قاتارداعى مەملەكەتتەردىڭ وزدەرى مۇنى جاساي المايدى. مەملەكەتتەر اراسىنداعى ايىرماشىلىق تىم جوعارى. سيفرلىق تەڭسىزدىك تە بار. ٴيا، سيفرلار ٴبىزدىڭ ەكونوميكامىزدىڭ اجىراماس ٴبىر بولىگىنە اينالدى. ٴبىزدىڭ بارلىعىمىز بەلگىلى ٴبىر باعدارلامالاردى جۇزەگە اسىرىپ كەلەمىز. ٴبىراق، سيفرلىق تەڭسىزدىكتى ٴالى كۇنگە دەيىن جويا المادىق. ال بۇل - نەگىزگى كىلت. سول سەبەپتى، ٴبىز ايتارلىقتاي جىلدام قوزعالۋىمىز كەرەك. نارىقتى بىرىكتىرىپ، جەكە ينفراقۇرىلىم تۇزۋىمىزگە تۋرا كەلەدى»، - دەيدى ول.

مۇنىمەن قاتار، پرەمەر-مينيستر كريپتوۆاليۋتاعا قاتىستى شارالاردى دا ەاەو اياسىندا قاراۋدى ۇسىندى. حالىقارالىق كونۆەنسيا بولماعان جاعدايدا ەكونوميكانىڭ بۇل سالاسىندا تۇسىنبەستىكتەر ورناۋى مۇمكىن ەكەنىن ايتىپ ٴوتتى.

«كريپتوۆاليۋتاعا قاتىستى ايتار بولسام، بۇل ماسەلە ۇلتتىق مودەل اياسىندا قالىپ قويماۋى ٴتيىس. وسى جەردە ارىپتەستەر كريپتوۆاليۋتامەن تولەمدەر جۇرگىزۋگە بولاتىنىن ايتتى. ەكونوميكالارىمىز تىعىز بايلانىستى بولعاندىقتان، وسى ماسەلەگە دە باسا نازار اۋدارايىق. مۇنى ٴبىر مەملەكەتكە ەنگىزىپ قويۋ جەتكىلىكسىز، ونى ەاەو اياسىندا قاراستىرۋىمىز كەرەك»، - دەيدى رەسەي پرەمەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي