BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەدۆەدەۆ الماتىداعى جەر سىلكىنىسى تۋرالى: بۇل - جاراتۋشىنىڭ بەلگىسى

رەسەي فەدەراسياسىنىڭ پرەمەر-مينيسترى دميتريي مەدۆەدەۆ بۇگىن الماتىدا بولعان جەر سىلكىنىسى مەن ەاەق ۇكىمەت باسشىلارى تالقىلاعان تاقىرىپقا قاتىستى ٴəزىل ايتتى، دەپ حابارلايدى baq.kz ٴتىلشىسى.

«قۇرمەتتى əرىپتەستەر، ٴبىز سىزدەرمەن بىرگە بارلىق قۇجاتقا قول قويدىق. بۇگىنگى كەزدەسۋ جىلى احۋالدا ٴوتتى، اراسىندا كىشىگىرىم جەر سىلكىندى. əرىپتەستەرىم ايتپاقشى، جەر بەلارۋس رەسپۋبليكاسى مينيسترلەر كەڭەسىنىڭ ٴنومىرى 666 قاۋلىسىن قاراپ جاتقان كەزدە سىلكىندى. بۇل بارلىعىمىز ٴۇشىن - ساباق، ال بەلارۋس مەملەكەتى ٴۇشىن جاراتۋشىنىڭ ايان بەرۋى»، - دەدى رەسەي ۇكىمەتىنىڭ باسشىسى.

مەدۆەدەۆ، مۇنىمەن قاتار، كەزدەسۋدىڭ دوستىق قارىم-قاتىناسقا نەگىزدەلگەنىنە نازار اۋدارىپ، ارىپتەستەرىن جۇمىستىڭ اياقتالۋىمەن قۇتتىقتادى.

الماتى قالاسىندا جەر ساعات 15:20 (ماسكەۋ ۋاقىتىمەن 12:20) شاماسىندا سىلكىندى. جاراقات العاندار نەمەسە عيماراتتاردىڭ قيراۋى تۋرالى مالىمەت تىركەلمەگەن.

بۇگىن 2 اقپاندا الماتىدا مەملەكەت باسشىسى نۇرسۇلتان نازاربايەۆتىڭ باستاماسىمەن «جاھاندانۋ داۋىرىندەگى سيفرلىق كۇن ٴتارتىبى» فورۋمى ٴوتتى، ونىڭ اياسىندا يننوۆاسيالاردى جانە تەحنولوگيالىق كاسىپكەرلىكتى دامىتۋ، بازالىق ينتەگراسيالىق جوبالار، ەۋرازيالىق ەكونوميكالىق وداقتاعى ونەركاسىپتىك سيفرلاندىرۋ جانە اۋىل شارۋاشىلىعىن سيفرلىق ترانسفورماسيالاۋدىڭ وزەكتى ماسەلەلەرى تالقىلاندى.

فورۋم جۇمىسىنا ارمەنيانىڭ پرەمەر-مينيسترى - ك. كاراپەتيان، بەلارۋستىڭ پرەمەر-مينيسترى - ا. كوبياكوۆ، قازاقستاننىڭ پرەمەر-مينيسترى - ب. ساعىنتايەۆ، قىرعىزستاننىڭ پرەمەر-مينيسترى - س. يساكوۆ، رەسەيدىڭ پرەمەر-مينيسترى - د. مەدۆەدەۆ، سونداي-اق ٴازىربايجان مەن تاجىكستاننىڭ رەسمي دەلەگاسيالارى قاتىستى.

ەسكە سالساق، 2017 جىلعى قازاندا جوعارعى ەۋرازيالىق ەكونوميكالىق كەڭەس وتىرىسىندا ەاەو مۇشە مەملەكەتتەردىڭ باسشىلارى 2025 جىلعا دەيىنگى سيفرلىق كۇن ٴتارتىبىنىڭ نەگىزگى باعىتتارىن بەكىتتى، سونداي-اق پرەزيدەنت نۇرسۇلتان نازاربايەۆتىڭ ەاەو ەكونوميكاسىن سيفرلاندىرۋ بويىنشا ارنايى كەزدەسۋ وتكىزۋ تۋرالى باستاماسىن قولدادى.

كۇننىڭ ەكىنشى جارتىسىندا باقىتجان ساعىنتايەۆ ەۋرازيالىق ۇكىمەتارالىق كەڭەستىڭ شاعىن جانە كەڭەيتىلگەن قۇرامداعى وتىرىسىنا قاتىستى.

ٴىس-شاراعا ارمەنيا رەسپۋبليكاسىنىڭ پرەمەر-مينيسترى - ك. كاراپەتيان، بەلارۋس رەسپۋبليكاسىنىڭ پرەمەر-مينيسترى - ا. كوبياكوۆ، قىرعىز رەسپۋبليكاسىنىڭ پرەمەر-مينيسترى - س. يساكوۆ، رەسەي فەدەراسياسىنىڭ پرەمەر-مينيسترى - د. مەدۆەدەۆ جانە ەۋرازيالىق ەكونوميكالىق كوميسسياننىڭ القا ٴتوراعاسى ت. ساركيسيان كەلدى.

شاعىن قۇرامدا سيفرلىق كۇن ٴتارتىبى ماسەلەلەرىن، سونداي-اق ىشكى نارىقتىڭ جۇمىس جاساۋى شەڭبەرىندەگى قاتىسۋشى ەلدەردىڭ مىندەتتەمەلەرىن قاراۋ جوسپارلاندى.

كەڭەيتىلگەن قۇرامداعى وتىرىستا قاتىسۋشىلار ماكروەكونوميكالىق جاعدايدى جانە ەاەو مۇشە مەملەكەتتەردىڭ اراسىنداعى ٴوزارا ساۋدا جاعدايىن تالقىلادى، اگروونەركاسىپ كەشەنى، ونەركاسىپ كەشەنى دامۋىنىڭ ورتاق بولجامدارىن جانە ەاەو مۇشە مەملەكەتتەردىڭ ەڭبەكشىلەرىن زەينەتاقىمەن قامسىزداندىرۋ ماسەلەلەرىن تالقىلادى.

وتىرىس قورىتىندىسى بويىنشا ٴبىرقاتار قۇجاتتى قابىلداۋ جوسپارلانعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي