BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مارات سىزدىقوۆ: ەۋرازيالىق ينتەگراسيا ٴقازىردىڭ وزىندە وڭ ناتيجە بەرۋدە

ماسكەۋدە رەسەيدەگى قازاقستان ەلشىلىگىنىڭ باستاماسىمەن «ەۋرازيالىق ەكونوميكالىق وداق تۋرالى كەلىسىم» تاقىرىبىندا دوڭگەلەك ۇستەل ٴوتتى.
 

دوڭگەلەك ۇستەلدىڭ جۇمىسىنا قازاقستاندىق ساياساتكەر نۇرلان ەرىمبەتوۆ، «ايف-كازاحستان» باسىلىمىنىڭ باس رەداكتورى سەرگەي كۋزوۆنيكوۆ، جەتەكشى رەسەيلىك ساراپشىلار يۋليا ياكۋشەۆا، ماكسيم شەۆچەنكو، دميتريي جۋراۆلەۆ، الەكسەي پيلكو، اركاديي دۋبنوۆ، كيريلل پريۆالوۆتار قاتىستى، دەپ ەلشىلىكتىڭ ٴباسپاسوز قىزمەتىنەن حابارلادى.

مودەراتور رەتىندە تانىمال رەسەيلىك جۋرناليست جانە پۋبليسيست ۆيتاليي دىمارسكيي ٴسوز سويلەدى.

ەلشىلىكتىڭ كەڭەسشى-ەلشىسى مارات سىزدىقوۆ اتاپ وتكەندەي، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ەۋرازيالىق ينتەگراسيا تۋرالى بەرگەن يدەياسىن ۇسىنعان 20 جىل ىشىندە مەملەكەتتەردىڭ قارىم-قاتىناسىن جاڭا دەڭگەيگە شىعارۋعا نەگىزگى جاعدايلار جاسالدى.

ەلشى اتاپ وتكەندەي، ەۋرازيالىق ەكونوميكالىق وداق ەل ەكونوميكاسىنىڭ تۇراقتى، ٴارى جەدەل دامۋىنا، يننوۆاسيالىق جاڭالىقتاردى اشۋعا جاعداي جاسايدى.

بۇدان باسقا، قازاقستاندىق ديپلوماتتىڭ ايتۋىنشا، ەاەو بويىنشا سەرىكتەستەرىنە ٴوزىنىڭ نارىعىن اشقان قازاقستان 9 ەسە ۇلكەن نارىققا شىعۋعا مۇمكىندىك الادى.
 

«ايتا كەتەرلىك جايت، ەۋرازيالىق ينتەگراسيا ٴقازىردىڭ وزىندە وڭ ناتيجە بەرۋدە. ينۆەستيسيالىق تارتىمدىلىق ٴوسىپ، كو مۇشە ەلدەردىڭ تاۋار اينالىمى ارتتى جانە وتاندىق تاۋاردىڭ رەسەي مەن بەلورۋسياعا ەكسپورتى كوبەيدى»، - دەدى ٴسوز سوڭىندا م. سىزدىقوۆ. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي