BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لۋكاشەنكو ەاەو-عا مۇشە ەلدەردىڭ باسشىلارىنا ۇندەۋ جولدادى

 استانا. 14 قاڭتار. baq.kz – بەلارۋس پرەزيدەنتى الەكساندر لۋكاشەنكو ەۋرازيالىق ەكونوميكالىق وداققا مۇشە مەلەكەتتەردىڭ باسشىلارىنا ۇندەۋ جولدادى. اتالمىش ۇندەۋ بەلارۋس ەلىنىڭ 2015 جىلدىڭ 1 قاڭتارىنان باستاپ جوعارى ەۋرازيالىق ەكونوميكالىق كەڭەستە، ەۋرازيالىق ۇكىمەتارالىق كەڭەستە جانە ەۋرازيالىق ەكونوميكالىق كوميسسيا كەڭەسىندە ٴتوراعالىعىنىڭ باستالۋىمەن بايلانىستى، دەپ حابارلايدى بەلتا بەلارۋس پرەزيدەنتىنىڭ اكىمشىلىگىنە سىلتەمە جاساپ.

 ۇندەۋدە بەلارۋستىڭ ەاەو-نى وڭىردە ەكونوميكالىق جانە الەۋمەتتىك تۇراقتىلىقتى قامتاماسىز ەتۋگە سەپتىگىن تيگىزەتىن ماڭىزدى ينتەگراسيالىق بىرلەستىك رەتىندە قاراستىراتىنى اتاپ وتىلگەن. بەلارۋس ٴتوراعالىعى تاتۋ كورشىلىكتى ودان ٴارى نىعايتۋعا، ەكونوميكالىق ىنتىماقتاستىقتى دامىتۋعا، تاۋار، قىزمەت، كاپيتال مەن جۇمىس كۇشى قوزعالىسىنىڭ ەركىندىگىن العا جىلجىتۋعا سەپتىگىن تيگىزۋگە باعىتتالادى.

بەلارۋس تاراپى ەاەو تۋرالى شارتتىڭ دايىندالۋ كەزەڭدەرىندە ينتەرگاسيالىق بىرلەستىك اياسىندا ەكونوميكالىق قىزمەت شارتتارىن بارىنشا ليبەراليزاسيالاۋ قاجەتتىگىن مالىمدەگەن ەدى. «ٴبىز ٴالى كۇنگە دەيىن ەۋرازيالىق ەكونوميكالىق وداقتىڭ نەگىزى تاۋار قوزعالىسىنداعى شەكتەۋلەردى الىپ تاستاۋدا جاتىر دەگەن پىكىردەمىز»»، - دەلىنگەن ۇندەۋدە.

سونداي-اق ۇندەۋدە ٴبىرقاتار ۇسىنىستار قامتىلعان. ولاردىڭ دەنى بولاشاقتا ٴبىرىڭعاي ونەركاسىپتىك جانە اگروونەركاسىپتىك ساياساتقا كوشۋ، وداق اياسىندا ونەركاسىپتىك ىنتىماقتاستىقتىڭ نەگىزگى باعىتتارىن قابىلداۋدى جەدەلدەتۋ، 2016 جىلدىڭ 1 قاڭتارىنان باستاپ دارى-دارمەكتەر مەن مەديسينالىق بۇيىمداردىڭ ٴبىرىڭعاي نارىعىنىڭ ىسكە قوسىلۋىن قامتاماسىز ەتۋ جونىندە شارالار قابىلداۋعا قاتىستى.

سونىمەن بىرگە بەلارۋس تاراپى ەلەكتر ەنەرگياسى، گاز، مۇناي جانە مۇناي ونىمدەرىنىڭ ورتاق نارىعىن قۇرۋ تۇجىرىمدامالارىن ازىرلەۋگە دە ۇلكەن ٴمان بەرەدى. بۇعان قوسا ەلدىڭ ٴتوراعالىعى كەزىندە قىزمەت سالاسىندا ينتەگراسيالىق ۇدەرىستەردى دامىتۋ بويىنشا ناقتى قادامدار جاسالاتىنى جاريا ەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي