BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ «ەۋرازيالىق اپتا» فورۋمىندا ەكونوميكانى سيفرلاندىرۋدىڭ ماڭىزىن ٴتۇسىندىردى

فوتو: inform.kz

ەاەو ٴبىرىڭعاي سيفرلىق كەڭىستىگىنىڭ ازىرلەنىپ جاتقان جوباسى تاۋارلار مەن كورسەتىلەتىن قىزمەتتەردىڭ، ادامدار مەن كاپيتالدىڭ ەركىن قوزعالىسىن قولدايتىن نەگىزگى ەلەمەنتتەردىڭ بىرىنە اينالۋى ٴتيىس. بۇل تۋرالى قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ استانادا ٴوتىپ جاتقان جىل سايىنعى «ەۋرازيالىق اپتا» حالىقارالىق كورمە فورۋمى بارىسىندا ٴمالىم ەتتى، دەپ حابارلايدى baq.kz اقپارات اگەنتتىگى strategy2050.kz-كە سىلتەمە جاساپ.

«حالىقارالىق ساراپشىلاردىڭ باعالاۋى بويىنشا ەكونوميكانى سيفرلاندىرۋ الەمدىك ەكونوميكا لاندشافتىن تۇبەگەيلى وزگەرتەدى جانە 2025 جىلعا دەيىن الەمدىك ٴجىو-نىڭ ۇشتەن ٴبىر بولىگىن قامتاماسىز ەتە الادى. ٴقازىر ەاەو ٴبىرىڭعاي سيفرلىق كەڭىستىگىنىڭ جوباسى بەلسەندى دامىپ كەلەدى، ول تاۋارلار مەن كورسەتىلەتىن قىزمەتتەردىڭ، ادامدار مەن كاپيتالدىڭ ەركىن قوزعالىسىن قولدايتىن نەگىزگى ەلەمەنتتەردىڭ بىرىنە اينالۋى ٴتيىس. ەاەو سيفرلىق ٴتارتىبى ٴبىزدىڭ ٴوز ازىرلەمەلەرىمىز عانا ەمەس، سونىمەن قاتار ەڭ جاڭا الەمدىك جەتىستىكتەر دە ەنەتىن جيناقتاۋشى بازا بولماق»، - دەدى پرەمەر-مينيستر.

وسى رەتتە سپيكەر قازاقستان ٴوزىنىڭ سيفرلىق ٴتارتىبى بويىنشا بەلسەندى جۇمىس جۇرگىزىپ جاتقانىن اتاپ ٴوتتى.

«ٴبىز جۋىق ارادا «سيفرلىق قازاقستان» مەملەكەتتىك باعدارلاماسىمەن تانىستىرامىز. ونىڭ ماقساتى – ەكونوميكانىڭ بازالىق سەكتورلارىنداعى الەۋەتتى ىسكە اسىرۋ جانە ٴارتاراپتاندىرۋ، كاسىپكەرلىك قىزمەتتى ىنتالاندىرۋ جانە جاڭا تەحنولوگيالىق ٴتارتىپ سالالارىن قۇرۋ. قازاقستاندا سيفرلاندىرۋدى دامىتۋ ٴۇشىن ەكوجۇيەنى جۇيەلى دامىتۋدى، ەكونوميكا سالالارىن وزگەرتۋدى، ەلەكتروندىق مەملەكەتتىك كورسەتىلەتىن قىزمەتتەردىڭ ساپاسىن ارتتىرۋ مەن كرەاتيۆتى قوعام قۇرۋدى كوزدەيتىن كەشەندى ٴتاسىل قولدانىلۋدا»، - دەپ قوستى ۇكىمەت باسشىسى.

سونىمەن قاتار، باقىتجان ساعىنتايەۆ بەلگىلەنگەن تاريفتەردىڭ بەكىتىلگەن قاعيدالارى تۋرالى دا ايتىپ ٴوتتى.

«سونداي-اق، بۇگىنگى پىكىرتالاستىڭ نەگىزگى باعىتتارىنىڭ ٴبىرى جاسىل ەكونوميكانىڭ باسەكەگە قابىلەتتىلىككە اسەرى بولماق. جاڭارتىلاتىن ەنەرگيا كوزدەرى سەكتورى قازاقستاندا جاسىل ەكونوميكانى دامىتۋدىڭ ماڭىزدى باعىتى بولىپ تابىلادى. بەلگىلەنگەن تاريفتەر جۇيەسى ارقىلى ىسكە اسىرىلاتىن مەملەكەتتىك قولداۋ جۇيەسى ازىرلەندى. بۇل مەحانيزم ٴوزىنىڭ وزەكتىلىگىن كورسەتىپ، جەل، كۇن جانە باسقا دا ەنەرگيا تۇرلەرىنىڭ قولدانىلۋىمەن ەلەكتر ەنەرگياسىن ٴوندىرۋ جوبالارىن ىسكە اسىرۋعا مۇمكىندىك بەردى»، - دەپ قورىتىندىلادى قازاقستان پرەمەر-مينيسترى.

ەسكە سالا كەتەيىك، استانادا ەۋرازيالىق ەكونوميكالىق وداق ەلدەرى مەن ەۋرازيالىق ەكونوميكالىق كوميسسيا ۇيىمداستىرعان جىل سايىنعى «ەۋرازيالىق اپتا» حالىقارالىق كورمە فورۋمى وتۋدە.

ەۋرازيالىق اپتاعا قاتىسۋ ٴۇشىن ەلورداعا 42 ەلدەن مەملەكەتتىك بيلىك ورگاندارىنىڭ، ىسكەرلىك توپتار مەن بيزنس قاۋىمداستىقتاردىڭ وكىلدەرى كەلدى. ەۋرازيالىق اپتا باعدارلاماسىنا ەاەو جالپى نارىعى ٴۇشىن ستراتەگيالىق ماڭىزدى ەكونوميكانىڭ 13 سالاسىن قامتيتىن 30-دان استام پىكىرتالاس ٴىس-شاراسى كىرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي